Herri ekologiko izateko bidean Alegia
Hirigintza plan berritzailea martxan jartzera doaz Gipuzkoako udalerrian, eta helburu garbia du: herri ekologikoranzko bidea urratzea.
Arau subsidiarioen fase berria lantzen hastearekin batera atera da ideia. Euskadi Irratiko Faktoria saioan egindako elkarrizketan azaldu du Unai Iraola Alegiako alkateak. Udal arkitektoekin bioeraikuntzaren aukerak aztertzen ari dira, eta hari horri tiraka heldu dira Salvador Rueda arkitektoaren ‘Hiri ekologikoa’ dokumentura. Etorkizuneko garapen urbanistikoa eta hirigintza neurriak nolakoak izango diren zehazten ditu planaren zirriborroak.
Bizi filosofia eraikitzeko nahia
Gizarteko hainbat erpin jarri nahi dituzte eredu jasangarriagoranzko norabidean: energia kontsumoaren murrizketa, kontsumitzen dena berriztagarria izatea, uraren kontsumo arduratsua, garraio publikoa, hirigintza eredua eta zerbitzu publikoen antolaketa, besteak beste.
“Kontziente izan behar dugu zein eredu globaletan bizi garen”, dio alkateak, “hirigintza planak eta txostenak, esaterako, oso zehatz eta lotuta iristen zaizkigu. Guk Alegiara moldatutako dokumentu bat sortu nahi dugu, herri ekologikoa helburu hartuta proiektu bakoitzari egokitutako bidea egitea ahalbidetuko digun dokumentu malgua”.
Unai Iraola alkateak adierazi du norabide horretan pausuak emateko Udaletik herritarrei laguntza emateko asmoa dutela, dela diru-laguntza, aholkularitza edo onura fiskal bidez.
Udalak prestatu duen plan zirriborroa jendaurreko erakusketan egongo da bi hilabetez herritar guztiek ikus dezaten.
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Zestoako Iraeta auzoko Amilibia baserria eta lurra kolektibizatzeko 100.000 euro batzea falta du Amillubi proiektuak, lehen urte honetan 310.000 euro eskuratu baititu. Biolurrek abiatutako proiektu agroekologiko honek dagoeneko jarri du lurra martxan, sektorearen beharrei... [+]
Arabako Mahats-bilketaren Jaiaren XXIX. edizioa ospatu dute Moredan, igandean. Egun batzuk lehenago, ABRA Arabako Errioxako Upategien Elkarteak agerraldia egin zuen, Arabako ardogintzak bizi duen “krisi larriaz” beste behin ohartarazi, eredu aldaketa exijitu, eta... [+]
Nekazaritzarekin harreman estua izan du betidanik Barazki Bizidunak proiektuko Iñaki Garcia Grijalbo Mapik. Bizitzaren paradoxak, gaur egun saltoki handi baten aparkalekua den lursailean zuten baratzea garai batean etxekoek Donostiako Intxaurrondo auzoan... [+]
Nekazaritza eta Elikadura Ekologikoaren Kontseilutik herritarrak animatu dituzte azoketan erostera eta ekoizleak gertutik ezagutzera. Uztailaren 29an Zigoitian izango dira, eta abuztuaren 23an, Zarautzen. Urriaren 27an amaituko dute udako denboraldia, Villabonan.