Mediabask-ek jakinarazi duenez, iragan maiatzaren, helegitea izenpetu duten 71 hautetsiek ministroarengana jo zuten. Horien artean, izn hauek azpimarratu behar dira: Jean Jacques Lasserre Kontseilu Nagusiko presidentea eta Miarritzeko, Angeluko, Bokaleko eta Bidarteko auzapezak. Horiek guztiek elkargoaren aukera deuseztatzeko eskatu zioten.

Bernard Cazeneuvek erantzun hau eman zien hautetsi hauei: “HELEP erakunde publikoa sortzeko NOTRE legeak finkatutako prozedura errespetatzen du. Halaber, Herriarteko Lankidetzarako Departamendu Batzordean eskema berria egokia aztertua izan da”. Beste ezaugarri bat ere aipatu du ministroak: “Ipar Euskal Herriaren lurraldeak zentzu osoa du, 1997tik Pays egitura gisa onartua delako”.

Ekainaren hasieran Ipar Euskal Herriko hirigune elkargoa sortzeko lanak aitzina eramanen dituen gidaritza taldea osatu da. Pirinio Atlantikoetako prefeta Pierre Andre Durandek elkargoaren aldeko emaitza aktan jaso eta berretsi ondoren.

Haatik, adierazgarria ere bada, Herri Elkargoaren hainbat aurkari instituzioa eratzeko lan taldean izatea, 71 hautetsi horietako batzuk hain juxtu ere.

Batera plataformak uztailaren 27an elkarretaratzera ditu du Baionara; 19:00etan, Xaho plazan. Deitzaileek elkargo bakarraren aldeko emandako urratsa ospatu nahi dute  Ensemble. Eraiki dezagun lelopean.