Pentsionistek Hego Euskal Herriko lau hiruburuetan eta hainbat herritan salatu dute "pentsioetako dirua kudeatzeko, transferentziak egiteko edo oinarrizko beste gestio batzuk egiteko" zailtasunak dituztela, bankuek leihatilako arreta zerbitzuak murriztu dituztelako.
Hego Euskal Herriko lau hiruburuetan eta hainbat herritan pentsionistek astelehenetako ohiko mobilizazioan adineko pertsonek finantza-gestioak egiteko dituzten zailtasunak salatu dituzte. Izan ere, bankuek leihatilako arreta murriztu dute eta horrek "ilara handiak" eta "kalteak" eragiten dizkie berezo horiei. "Banku gehiegikeriarik ez!" lelopean atera dira kalera.
Naiz-ek zabaldu ditu asteleheneko mobilizazioetan egindako aldarrikapen eta salaketak, eta adierazi dutenez, banketxeen aurrean "ilara luzeak" sortzen direla eta "euren dirua eskuratzeko zailtasunak" dituztela azpimarratu dute pentsionistek. "Prozesu administratiboen informatizazioak eta digitalizazioak bankuen, langileen eta publikoarentzako zerbitzuen ordutegien murrizketa bortitzerako" balio izan duela salatu dute. Esaterako, herri txikietan bi egunez bakarrik izaten dituzte zerbitzuak eta kasu batzuetan sukurtsalak itxi ere egin dituzte. Azaldu dutenez, arreta presentzialaren murrizketak adineko pertsonei eragiten die batez ere, Internet bidezko eragiketak egiteko dituzten zailtasunengatik, gehienek teknologia berriak ezagutzen ez dituztelako.
Manifestariak banketxeetara hurbildu dira gutun bidez, "adinekoentzako arreta-lehiatila bereziak irekitzeko"; ilarak amaitzeko nerruak hartzeko, aurrez aurreko arreta bermatzeko, zerbitzuak berrezartzeko, plantilla handitzeko eta 2015eko komisioak murrizteko eskatzeko. 2008tik 2019ra EAEeko banku-bulegoen kopurua murriztu egin da, 2.006tik 1.996ra iritsi arte, eta Espainiako Estatuan 22.628 sukurtsal itxi dituzte 9.000 lanpostu baino gehiago galduz. Gainera, gogorarazi dutenez, herritarren arreta zerbitzuak murriztu diren arren, Estatuan "banku zentralak 8.800 milioi euro baino gehiago irabazi ditu 2021eko lehen hiruhilekoan".
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.