Hego Euskal Herriko gazte langabezia datuen larritasunaz ohartarazi du ELA sindikatuak. Europar Batasuneko batez bestekoaren bikoitza da. EBn %18,5ekoa da eta hemen, berriz, %41,8koa. 2016ko egoera sozial eta ekonomikoaren inguruan sindikatuak plazaratu duen txostenaren datuak dira.
Datuak kezkatzeko modukoak dira, batez ere gazte langabeziari dagokionez: Nafarroan %38,1ekoa da eta EAEn %43,1ekoa. Europar Batasuneko sailkapenaren azken lekuetan kokatuta dago Hego Euskal Herria, Espainiar estatua (%41,9) eta Greziarekin (%44,2) batera.
Gainontzeko datuei dagokienez, 2016an enplegua sortu eta langabezia murriztu da, baina 2008ko krisialdiaren aurreko datuetatik oso urrun dago oraindik. Langabezia-tasa ordukoaren bikoitza da. Hego Euskal Herrian %12,8koa da, egoera okerragoan bakarrik Espainia (%19) eta Grezia (%22,8) daude. Europar batasuneko gainontzeko estatuen datuetatik asko aldentzen dira. Gainera, enpleguak gora egin arren, errentaren banaketaren ezberdintasunak areagotu egin dira.
ELAren arabera, enpleguaren kalitatea guztiz prekarioa da eta emakumeek, gazteek eta 55 urtetik gorakoek diskriminazio “bortitza” jasaten dute. Langabeziagatiko laguntzetara bideratutako gastuetan murrizketak egiten jarraitzen dute.
Sindikatuaren ustez “ulertezina” da egoera honetan herritarren bizi-baldintzak hobetuko dituzten neurriak ez hartzea. “Berdintasunean eta gizarte justizian oinarritutako gizarte eta ekonomia mailako alternatiba” sortzeko premia azpimarratu du.
Langabezia nehoiz baino apalago da Iparraldean, baina inflazioa beti traba izaten segitzen du ekonomian. 2023ko lehen sei hilabetetako tendentzien berri eman du Baionako Merkataritza eta Industria Ganberak. 210 enpresabururen sentipena bildu dute inkesta batean. Heren batek... [+]
LABek salatu du Espainiako Estatuko lan erreforma onartu zenetik aldizkako lan kontratua dela emakumeen artean nagusi.
Enpresak ABEE bat aplikatzen du, soldata murrizketak, plantillaren langabeziaren kontsumoa eta gastu publikoen igoera dakarrena, nahiz eta irabazi errekorrak izan. Gainera, malgutasuna handitzeko, plantillari "xantaia" egiten diola adierazi du sindikatuak prentsa... [+]
Haurrak eta adinekoak zaintzeagatik lana utzi behar izan duten pertsonen kopurua %42 hazi da Espainiako Estatuan, eta horrek biztanleria ez-aktiboaren igoeraren erdia eragin du. Lanik egiten ez zuten pertsonak ia landunak bezainbeste ziren 2022ko azken hiruhilekoan.
144.903 langabe gehiago daude Hego Euskal Herrian, horien artan %60 emakumeak.