Hego Euskal Herrian %4,4ko immunitatea eta kutsatutakoak datu ofizialek esandakoak baino lau bider gehiago
Koronabirusaren prebalentziari buruzko ikerketaren lehen emaitzen arabera, Hego Euskal Herriko biztanleen %4,4k garatu dituzte orain artean koronabirusaren aurreko IgG antigorputzak. Carlos III. Osasun Institutuak Espainiako Gobernuarentzako garatutako ikerketan ere ikusten da koronabirusa pasatu duten guztiek ez dutela immunitatea garatu. Eta orain arte Hego Euskal Herrian kutsatutakoen kopurua 127.000 pertsonatik gorakoa dela ondorioztatzen da. Askoz gehiago, beraz, bertako administrazioek erregistratutako 25.990 kutsatuak baino.
Carlos III. Osasun Institutua Espainiako estatu mailan burutzen ari den koronabirusaren prebalentzia edo hedapenari buruzko ikerketa honek hiru olatutan aztertuko ditu laginak, eta maiatzaren 13an eman dira jakitera lehen olatuaren emaitzak. Koronabirusaren aurrean IgG antigorputzak garatu dituzten pertsona kopurua aztertzea du helburu. IgG antigorputzak garatu izanak adierazten du noizbait koronabirusa pasatu duela gorputz horrek eta gaixotasunaren aurreko immunitatea garatu duela. Lehen olatu honetan, test azkarren bidez egin dute azterketa.
Hego Euskal Herriko gizarte osora estrapolatutako datua da %4,4k IgG antigorputzak garatu dituela, eta 7.350 pertsonako laginean oinarritzen da: horietatik 2.160 laguni egin diote proba Nafarroan, 2.040 laguni Bizkaian, 1.620ri Gipuzkoan eta 1.200 pertsonari Araban.
Lurraldeka alde handia, baina talde immunitate oso baxua guztietan
Lurraldeka, Araba da talde immunitate kopuru handiena duena, gizartearen %7,2k garatu baititu IgG antigorputzak. Nafarroan herritarren %5,8k garatu ditu, Bizkaian %3,8 herritarrek eta Gipuzkoan herritarren %2,8k. Hiru lurraldeetan da talde immunitatea oso baxua, proportzio honek ez du bermerik ematen birusaren beste agerpen baten aurrean hedapenari eutsi ahal izateko, gizartearen erdiak edo gehiengo handiak antigorputzak garatuta izatetik oso urrun baitago.
Kutsatuak gehiago dira: koronabirusa pasatu duten guztiek ez dute immunitatea garatu
Ikerketa honek sarreran ematen du datu hau ere: PCR proban positibo emandakoen %87k garatu dituztela IgG antigorputzak. PCR probek adierazten dute momentu horretan nork duen COVID-19 infekzioa eta beraz, beste herritarrentzat nor den une horretan kutsakor. Fidagarritasun handiagoa dute PCR probek test azkarrek baino, eta ikerketa honen datuak adierazten du koronabirusa pasatu duten pertsona guztiek ez dutela inmunitatea garatu.
Ikerketa honen arabera, IgG inmunitatea garatu duten pertsonak Hego Euskal Herrian guztira 127.000 dira. Koronabirusa pasatu duten guztiek ez dituztenez antigorputzak garatu, are gehiago dira berez Hego Euskal Herrian gaur arte kutsatuak izan direnak. Aldiz, Hego Euskal Herriko datu ofizialek askoz kutsatu gehiago erregistratzen dituzte: ikerketa honen emaitzak plazaratu ziren egun berean, kutsatuak orain arte 25.990 izan zirela zioten.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]