Hazparneko Zinegin festibalaren VI. Edizioa "Euskara munduan, besteen ahotan" lemapean
Euskal Herriko Zinema eta Dokumental ekoizpena da Zinegin Festibala, Hazparnen (Lapurdi) antolatua. VI. Edizioa da aurtengoa, azaroaren 16tik 19ra bitartean, “Euskara munduan, besteen ahotan” lemapean. Koldo Izagirre eta Patxo Telleria zinegileak izanen dira Lapurdin aste honetan, baita Joseba Sarrionandia ere, Hemen eta han filmaren bitartez.
Antolatzaileek literatura eta zinema uztartu nahi dituzte aurten. Kari horretara, Koldo Izagirre idazle eta zinegilea gonbidatu dute. Ke arteko egunak filma ikusi ahal izanen dute bertaratuek. Antxon Ezeiza izan zen film horren zuzendaria. Zinegile donostiarra omenduko dute zinema zaleek. Filmaren gidoilari Izagirrek aurkeztuko du filma.
Zinegin Festibala hainbat atalez osatuta dago, besteak beste, zinemari buruz irakastea du xedea. Aurtengo ikastaroa Patxo Telleria aktore eta gidoilariaren esku dago. Literatura obra bat zinemara nola egokitzen den irakatsiko die zinegile hasiberriei.
Joseba Sarrionandia idazlea ere Hazparnen izanen da, fisikoki ez bada ere, berari buruzko film bat zabalduko baita bertan. Hemen eta han izenekoa.
Festibala hainbat atalek osatuta dago, hala nola bideogintza lantzea, sustatzea eta zabaltzea. "Airea" da antolatzaileek aurten proposatutako gaia. Hainbat bideo sarituak izanen dira.
Hona, besteak beste, festibalean ikusgai izanen diren film batzuk: Iñigo Garcia Agirrezabalagaren Bi txirula, Javier Rebollo & Alvar Gordejuelaren Alaba zintzoa, Patxo Telleriaren Igelak eta Juan Batista Berasategiren Nur eta Herensugearen tenplua.
Ostegun arratsalde honetan Mirande, film bat egiteko zirriborroa dokumentala ikusgai izango dute Ziburun, Baltsan elkartean 18:30etan. Josu Martinez zuzendaria ere bertan izango da solaserako. Ziburuko Azokaldiaren egitarauaren barnean, aurten lehenbiziz kultur ekitaldiak egingo... [+]
“Gay azpitestuak beti hobetzen du film bat”
Quentin Tarantino
Juan Dos Ramos idazle eta Alex Tarazón ilustratzaile valentziarrek Gangsters Maricas: Extravagancia y Furia en el cine negro (Gangster maritxuak: nabarmenkeria eta indarkeria zine beltzean)... [+]
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.
Apirilaren 8tik 11ra bitartean laburmetrai eta dokumental sorta emanen da, tartean Oskar Alegriaren 'Zinzindurrunkarratz' eta Goya sariaren irabazle 'To bird or not to bird'.
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]