ARGIA.eus

2021eko azaroaren 30a

Haurrak ikastetxera seguru sartu ahal izateko zebrabidean paratu ziren bi gurasori 600 euroko isuna

  • Bilboko Atxuri auzoko ikastetxe inguruan apenas dagoen oinezkoentzako lekurik eta trafiko biziak egoera arriskutsuak sortzen ditu maiz. Konponbidea aspaldi eskatua dute gurasoek, baina iristen ez denez, umeen sarrera-irteeretan zebrabidean jartzen dira gurasoak, “haurrei bidea babesten”. Horietako bi gurasori 600 euroko isuna jarri die Ertzaintzak.

Mikel Garcia Idiakez @mikelgi
2021eko urriaren 05a

Ikastetxe inguruko espazioak espazio seguruak izan behar dutela aldarrikatu du behin baino gehiagotan hezkuntza komunitateak. Bilboko Atxurin agerikoa da gabezia: Maestro Garcia Rivero ikastetxe atarian leku gutxi dute oinezkoek, eta errepideak agintzen du. Gurasoek, kezkatuta, soluzioa eskatu izan diote Bilboko Udalari: ikasleen sartu-irtenetan udaltzainak bertaratzeko edo une horietan trafikoa mozteko.

Erantzunik jasotzen ez dutenez, aurreko ikasturtetik gurasoak eurak dira ikastetxe atariko zebrabidean jartzen direnak, umeen sartu-irtenak seguruak izan daitezela bermatzeko. Bilboko Udalaren baimenarekin egiten dutela gogoratu dute, baina bi gurasok Ertzaintzaren isuna jaso dutela, 600na euro, autoritateari desobedientzia egin izana leporatuta.

“Jasangaitza da gurasoak kriminalizatzea, Udalak bere gain hartu beharreko lana guk egiten dugulako eta oraindik ere egiten ari garelako”, kritikatu du eskolako guraso elkarteak, ondorengo bideoan:

 

Gaiari lotuta:
Matxinada ikastetxeetan, auto eta kutsadurarik gabeko eskola inguruak eskatzeko
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Espazio publikoaren erabilera kanaletik interesatuko zaizu...
COVID-19 pasaportea 2022ko uda arte mantentzearen alde bozkatu du Frantziako Legebiltzarrak

Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.


2021-08-31 | Axier Lopez
Jendaurrean lan egiten dutenak ere COVID pasaportea edukitzera behartu ditu Frantziako Gobernuak

Astelehenetik aurrera jendearekin aurrez aurre aritzen diren Ipar Euskal Herriko langile guztiek, lantokira sartu ahal izateko, COVID ziurtagiria erakutsi behar dute. Herritarren "txertaketa prozesua aitzinarazteko" beste pausu bat dela adierazi du Elisabeth Borne... [+]


Kezkak eta kexuak areagotu dituzte COVID-19ari begira Macronek harturiko azken neurriek

Ondoko bi neurriek dute zeresan gehien sortzen: batetik, pass sanitaire deitu osasun pasea beharrezko jartzea eguneroko sozializazio gune askotan; eta bestetik, osasun eta zaintza arloko langile eta laguntzaileei txertoa derrigortzea. Bizitza pribatuaren errespetua eta... [+]


2021-03-25 | Ixone Arana
Bideo kamerak ez erabiltzea eskatu diote Espainiako Gobernuari, horiek erregulatuko dituen lege bat egon arte

Akademiko, profesional eta aktibista talde batek Espainiako Gobernuari gutun baten bidez helarazi diote aurpegia ezagutarazteko tresnak eta bideo kamerak  horiek erregulatuko dituen legea onartu arte geldiarazteko eskaera.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude