Haurdun zegoen emakume afroamerikar bat tiroz erail du Poliziak AEBetan
Denda batean lapurtzea leporatuta atxiki zuten gaztea, bere autoan zegoela. Ibilgailua mugitzen hastean, emakumearen kontra tiro egin zuen polizia-agenteetako batek, kamera batek jasotako irudiek erakutsi duten modura.
Poliziak beste pertsona afroamerikar bat erail du odol hotzean Amerikako Estatu Batuetan. Aurreko ostiralean, polizia-agente batek zeraman gorputz-kamerak jasotako irudiak atera ziren argitara: horietan, argi eta garbi ikusten da nola hil duten emakume bat Columbuseko (Ohio) polizia-indarrek, janari-denda baten aurrean. 21 urte zituen hildako gazteak, eta haurdun zegoen; Ta'Kiya Young zuen izena.
Dendatik irten ostean, bere autoan sartu zen Young, eta une horretan hasten da argitaratu duten bideoa, parkingean. Zerbait lapurtzea egotzita, kotxetik ateratzeko agindu zioten gazteari polizia-agenteek. Beregana hurbildu ziren, eta presioa egin zioten: dendan lapurreta egin zuela eta ibilgailutik irteteko errepikatu zioten, behin eta berriz, Youngek zergatia galdetzen zuen bitartean. Gidariaren atearen ondoan kokatu zen agenteetako bat, eta autoaren parean bestea.
Bideoan entzun daitekeenez, Youngek behin eta berriz esan zuen berak ez zuela ezer lapurtu, eta uko egin zion kotxetik ateratzeari. Une horretan, ibilgailuaren parean zegoen poliziak pistolarekin seinalatu zuen, eta irteteko agindu zion berriz. Emakumearen autoa mugitzen hasi zen orduan, eta bere kontra tiro egin zuen agenteak. Horren ondoren, kotxea poliki-poliki ibili zen parkingean zehar, dendaren kontra talka egin arte. Young kopilotuaren aulkian etzanda ikusten da bideoan, hilik.
Youngen senideek salatu dute gertatutakoa "botere eta autoritate gehiegikeria larri bat" izan dela. Mapping Police Violence-k egindako ikerketa baten arabera, 2013 eta 2022 artean Amerikako Estatu Batuek eraildako pertsonen heren bat afroamerikarrak ziren, biztanleria osoaren %13 baino ez diren arren. 2022an, polizia-indarrek 1.201 lagun hil zituzten Amerikako Estatu Batuetan; %26 ziren afroamerikarrak.
Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez... [+]
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Chocón, Kolonbiako hiri batean, beltzak, indigenak eta mestizoak elkar bizitzari eusten saiatzen dira. Beltzek txoloak deitzen diete embera indigenei, eta emberek beren hizkuntzan hitz egiten dutenean, kristauez hitz egiteko esaten diete bai mestizoek eta bai beltzek... [+]
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
