Erraldoiek lagunduta eta haurrez inguratuta aurkeztu dugu ‘Abentura erraldoia’ liburua
Abentura erraldoia. Salba dezagun kalejira haurrentzako liburua modu berezian aurkeztu du ARGIAk, Donostian. Haur eta guraso ugari bildu ziren Gorka Bereziartua eta Adur Larrearen ipuinaren bueltan, eta festarako, dantzarako, ipuinak kontatzeko eta maskarak marrazteko tartea izan zen. Ikusi behean ekitaldiaren bideoa eta argazki-galeria.
Gros auzoko konpartsak jarri zituen erraldoi parea eta txistulariak. Haiek eman zioten hasiera ekitaldiari, Biteri plazan. Dantzan hasterako, ume zurrunbiloa zuten inguruan erraldoiek. Kalejiran abiatu ziren denak, kalez kale Txofre plazaraino. Txistularien erritmora, gogotsu dantzatu zuten erraldoiek –erraldoia eramaten aritu ziren gazteek, hobeki esanda–, jira-bira azkarrek txalo zaparradak eragin zituzten, eta asko izan ziren erraldoien ondoan argazkia atera nahi izan zutenak edota horien gonazpian sartu zirenak, erraldoien barrunbeak esploratu nahian.
Hamarnaka familia bildu ziren Txofren, eta bertan egin zuten liburuaren aurkezpena egileek: Gorka Bereziartua kazetari eta idazleak, eta Adur Larrea ilustratzaileak. Gorka Bereziartuak, mikrofonoa eskuan, istorioa harilkatzen zuen bitartean, kontakizuna marrazten jardun zuen Adur Larreak, arbelean. Aurrean, haur kuadrilla ederra zuten, adi-adi.
Liburua erosteko mahaiaren bueltan ilara luzeak sortu ziren ondoren, denek nahi zutelako egileen sinadura, ilustratzailearen irudi bat tarteko. Lan eta lan aritu ziren autoreak… eta baita txikienak ere: umeek barrutik marrazteko, mozteko eta maskara sortzeko Adur Larreak berak perfilaturiko irudiak margotu eta margotu aritu ziren haurrak (Braulia, zezena eta Tartalo erraldoien, eta Caravinagre buruhandiaren maskarak). Arrakasta ikusita, Durangoko Azokara eta liburua aurkezteko gainerako ekitaldietara ere eramango ditu maskarak ARGIAk, ipuina erosten dutenei oparitzeko.
Gogoratu liburua eskuragarri duzula Argiaren Azokan. Informazio gehiago nahi baduzu, egileei egindako elkarrizketa argitaratu dugu berriki: "Haurrek errazago barneratzen dituzte magia eta ezustekoa".
Jarraian, ekitaldiaren inguruan egindako bideoa eta Dani Blanco argazkilariak ateratako argazkiak:
6 urtez azpiko haurrek egunean ordubetez baino ezin zuten egon Debako liburutegian, eta egoera hori aldatzeko borrokan aritu da herriko ama talde bat. Udal gobernuak jarrera aldatu eta onartu du herritar guztiek, duten adina dutela, nahi dutenean egon ahal izatea liburutegian... [+]
Dantza, xake edo kirol topaketak egiten diren bezalaxe, literatura gustuko duten haur eta gazteek ere zaletasuna partekatu, elkar ezagutu eta egunpasa ludikoa egiteko aukera izango dute, datorren igandean. Ikasturtean zehar elkarri gutunak idazten aritu diren 130 gaztetxo... [+]
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
6 urtez azpiko haurrek egunean ordubetez baino ezin dute egon Debako liburutegian. Udal gobernuak argudiatu du "liburutegian erabilgarri dagoen espazioa mugatua" dela, baina ez du argitu espazio mugatu horregatik ezartzen dituzten ordu murrizketak zergatik aplikatzen... [+]
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Donostiako Gros auzoko erraldoi eta buruhandien konpartsak giroturiko kalejira eta dantza izango ditu lagun, ostiral honetan ARGIAk antolatu duen liburu aurkezpenak: Abentura erraldoia. Salba dezagun kalejira aurkeztuko dute Gorka Bereziartua eta Adur Larrea egileek.
"Erraldoiei buruzko ipuina nahi dugu, haur txiki nahiz koskortuagoentzat". ARGIAk enkargua egin zien etxekoak ditugun Gorka Bereziartua kazetariari eta Adur Larrea ilustratzaileari. Emaitza: Abentura erraldoia. Salba dezagun kalejira. "Gauza berriak probatzeko... [+]
Saran egingo da urriaren 11 eta 12an, eta aurtengoa laugarren edizioa izango da.
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia,... [+]
Liburu honetara hurbiltzen denak lehenbizi G. Mabire-ren irudiekin egingo du topo. Komikiaren estiloko irudiak dira, trazu oso zehatzak eta kolore bizikoak, pertsonaiak eta egoerak erraz interpretatzen laguntzen dituztenak. Irudi horiek testuarekin bat datoz: laburra eta zehatza... [+]