Hasierako onespena eman dio Jaurlaritzak Energia Berriztagarrien Lurralde Plan Sektorialari
Arantza Tapiak apirilaren 27an sinatua dagoen agindua maiatzaren 10ean egin da publiko Euskal Herriko Agintaritzaren Aldizkarian. 2030erako energia kontsumo osoaren %40 berriztagarria izatea eta 2050erako "ekonomiaren erabateko deskarbonizazioa" ditu helburu Energia Berriztagarrien Lurralde Plan Sektorial honek. 45 eguneko epea dago iritziak eta alegazioak aurkezteko.
Europar Batasunaren helburuak aipatuta, Tapiak sinatutako aginduak dio 2030. urtean energia guztiaren kontsumoaren %40 berriztagarria izatea nahi dutela eta "2050erako ekonomia erabat deskarbonizatzea lortu nahi" dutela.
Energian eta materialetan adituak diren hainbatek dudan jarria du posible ote den egungo eredu ekonomikoa erabat deskarbonizatzea. Antonio Turielek horri buruzko hitzaldia eman berri du Donostian, hemen dago osorik ikusentzungai.
Hasierako onarpena eman berri zaion Plan Sektorialak dio helburu horiek lortzearren "zalantzarik gabe, energia-iturri berriztagarriak aprobetxatzeko instalazioak hedatu beharko direla lurraldean, eta hedatze horrek, nahitaez, handiagoa izan beharko duela datozen urteetan". Zentral berriztagarri horien instalazioak ordenatzeko egin du Arantza Tapiaren sailak plan sektorial hau, eta instalazio hauek elementu hauekin "bateragarriak" izan daitezen zaindu dutela dio: paisaiarekin, kultura-ondarearekin, ingurune sozioekonomikoarekin, segurtasunarekin eta osasunarekin edo ingurumen-balioekin.
Energia berriztagarrien planaren arabera zentralak kokatzeko "eremu egokien" mapak ikusgai
Hemen, "Lap-aren hasierako bertsioa" atalaren barruan, ikusgai daude neurri guztietako mapak, erakusten dutenak planaren arabera zein diren energia berriztagarri mota bakoitza ezarri ezin diren "esklusioguneak", eta aldiz, planaren arabera zein diren energia berriztagarri mota bakoitzaren kasuan zentralak ezarri daitezkeen "eremu egokiak".
Ingurumen-azterlanaren arabera, plan honen eragin positiboak eta negatiboak
Tapiak sinatutako aginduak dioenez, "Ingurumenaren Kalitatearen eta Ekonomia Zirkularraren zuzendariak Ebazpena eman zuen 2023ko apirilaren 25ean, zeinaren bidez formulatzen baita Euskadiko Energia Berriztagarrien Lurralde Plan Sektorialaren ingurumen-azterlan estrategikoaren irismen-dokumentua" (ebazpen hau ez dago eskuragarri Legegunea atarian).
Javier Aguirre Orcajo da Ingurumenaren Kalitatearen eta Ekonomia Zirkularraren zuzendaria eta "Ingurumen-Azterketa Estrategikoaren hasierako bertsioa" ikusgai dago hemen, "Euskadiko Energia Berriztagarrien Lurralde Plan Sektoriala egiteko prozesua"-ren dokumentu guztiak ikusgai daude Jaurlaritzaren atarian. Ingurumen-Azterketaren hasierako bertsio honen arabera, berriztagarrien planak dakartzan onurak hauek dira: "Klima-aldaketaren airearen kalitatea eta gizarte-sektoreak izango dira energia berriztagarrien hedapenaren onura handiena jasoko dutenak, elektrizitate-ekoizpenean emisioak murrizteari eta energia horiekin lotutako enplegu-nitxo ugari sortzeari esker (diseinua, salmenta, ekoizpena, ezarpena, aholkularitza, ikerketa...)".
Aldiz, Ingurumen-Azterketaren hasierako bertsioak dio berriztagarrien planaren ondorioz "eragin negatiboa" izan dezaketela baliabide natural hauek, "behar bezala planifikatutako garapenen kasuan": paisaia, habitat-landaretza, fauna edo espazioen konektibitatea.
Maiatzaren 20an mobilizazioa deitua dute "Lurraldearen defentsan Euskal Herria Bizirik" lemapean
Energia berriztagarrien nolakotasunari eta kokapenari buruzko debatea pil-pilean da, Jaurlaritza argi berdea ematen ari zaien proiektuen berriak plazaratuz doazen einean. Hainbat herritan sortu diren taldeek hitzaldiak eta bestelako ekimenak martxan dituzte eta guztien artean manifestazio bateratu bat deitua dute maiatzaren 20rako, Gasteizen.
Obrak "abiadura handian" doazela deitoratzen dute makroproiektuaren kontrako kolektiboek. Landetako THT Ez taldeak hitzaldia antolatu du apirilaren 27rako, ozeanoei buruzko nazioarteko hainbat aditurekin, tartean, Paul Watson baleen aldeko ekintzaile... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
Martxoaren 19an amaitu zen proiektua aurkezteko epea, baina Errioxako PSOEk adierazi du Forestalia enpresak "interesa baztertu" duela. Enpresak bi parke eoliko eraiki nahi zituen Aragoiko lurretan, baina oraindik ez ditu lortu baimenak eta hori dute egitasmoa... [+]
Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.
Petrolio-ontzi batek eta zamaontzi batek elkar jo dute astelehen goizean Ipar Itsasoan, Ingalaterrako ipar-ekialdean. Talkak Jet-A1 erregaia zuen petrolio-ontziaren tanke bat apurtu du eta kezka da nagusi, izan ditzakeen ondorio ekologikoengatik.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
Mozambiken gas eremu zabal batean erauzketa prozesu bat martxan ezartzeko prest zen 2020an TotalEnergies enpresa frantsesa, eta gunearen segurtasuna bermatzeko Mozambikeko unitate militar bat kontratatu zuen. Baina Afrikan egitekoa zuen "inoizko inbertsio pribaturik... [+]
.png)
Gasetik sortutako elektrizitate ekoizpena bosgarren urtez jaitsi da, eta jatorri fosileko elektrizitate sorkuntza orokorra minimo historikoan dago, Ember erakundearen European Electricity Review txostenaren arabera.
Euskal Herriko eta Kataluniako indar eskuindarrek bat egin dute PPrekin eta Voxekin, zerga ez luzatzeko.
GES-Global Energy Services enpresak eguzki bidezko energia sortzeko proiektua hasi du Erriberrin, Euskal Herriko handienetakoa. 50 MWp-ko potentzia izango du, eta 74.000 eguzki panel izango ditu guztira, instalazioak datorren urtea amaitu baino lehen martxan jartzea aurreikusten... [+]
Enpresek presio handia egin dute azken boladan eta “inbertsio estrategikoak arriskuan egon daitezkeela” mehatxu egin zuten. Iberdrolako presidenteak ordea, zerga honek bere kontuetan “oso gutxi suposatzen duela” adierazi zuen duela aste bi. Bankuen... [+]
“Araba ez dago salgai” eta “Makroproiekturik ez” lelopean egin dute deialdia. Urriaren 26an elkartuko dira 18:00etan “etekin pribatuak bermatzera” bideratuta dagoen eredu energetikoa eta “instituzioek jokatzen duten papera”... [+]
Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.
Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]