Antonio Turielek Donostian emandako hitzaldia ikusgai eta hurrengo hitzorduak

  • Antonio Turiel zientzialari eta ikertzaileak hitzaldia eman du maiatzaren 2an Donostiako Uliako Lore Baratzeetan, 300 lagunen aurrean. Ikusgai dago bideoan Energia berriztagarrien eta zentral eolikoen makro-proiektuak eztabaidagai hitzaldia. Datozen egunetan Euskal Herriko hainbat herritan emango du hitzaldia Turielek.


2023ko maiatzaren 03a - 13:01
Azken eguneraketa:11:29
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Energia berriztagarrien inguruan duen ikuspegi kritikoagatik eta egiten ari den dibulgazio lanagatik ezaguna da Antonio Turiel CSICeko zientzialari eta The Oil Crash blogaren sortzailea. Bere Petrokalipsia liburuak –berriki Txalaparta argitaletxeak euskaraz kalera emana– arrakasta izan du, zalantzan jartzen dituelako erregai fosilen inguruan dauden hainbat uste. Sin Energia liburuan, berriz, epe motzean energiaren arloan izango ditugun auzi eta gatazkak azaltzen saiatu da. Satorralaia, Haritzalde, Uliako Baratzak eta Ekologistak Martxanek antolatuta hitzaldia eman berri du Donostian eta bideo honetan ikusentzun daiteke:

Gaur Zumaian eta hurrengo egunetako hitzaldiak

Maiatzaren 3an Zumaian emango du hitzaldia Turielek. Piztu Kooperatiba S.-k antolatu du ekitaldi hau eta  Aita Mari antzokian izango da, 18:00etan.

Maiatzaren 4an Azpeitian emango du hitzaldia. Eskualdeko talde ekologista eta mendi elkarteek antolatu dute, "101 arrazoi mendietan eolikorik ez eraikitzeko" ekimenaren baitan. Kasu honetan Antonio Aretxabala geologo eta ikerlariarekin batera emango du hitzaldia, eta Materialen eta energia krisia izango du goiburu. 19:00etan hasiko da, Soreasu antzokian.


Parke eolikoak kanaletik interesatuko zaizu...
Analisia
Trantsizio energetikorako ekuazioaren bila

"Ez nire etxe ondoan”, horretan laburbildu zituen Iñigo Urkulluk, bere hitzaldian, berriztagarrien auzian Eusko Jaurlaritzari egiten zaizkion kritikak. Berekoiak ikusten gaitu; ez diogu erronkari behar bezala begiratzen, eta ez gara gai interes orokorra... [+]


Itsasoko haize errotek dakarten "dilema ekologikoaz" ohartarazi du Europako Kontu Auzitegiak

Europako erakundearen esanetan itsasoan eraikitako eolikoek ingurumena kaltetu dezakete eta Europako Batzordeak ez ditu kalte horiek aintzat hartu "energia urdina" garatzeko bere estrategiaren barruan. 2050. urtean Europako itsasasaldean instalatutako potentzia 340... [+]


2023-09-10 | Estitxu Eizagirre
Mari Paz Aedo ZuƱiga
"Txiletarrok gara mundu osoaren elektrifikazioa ordainduko dugunak"

"Egun on" baino gehiago "larrialdi" hitza erabiltzen dugun honetan, Mari Paz Aedoren hitzek lagunduko dizute ikasturte honetako zure utopien lanketei gogotsu eta pozetik ekiten. Txilen, Santiagon jaio zen duela 45 urte. Gatazka sozioekologikoak aztertzen ditu... [+]


2023-08-04 | Ilargi Manzanares
Enkarterrin proiektatu dituzten bi parke eolikoek "eragin itzela" izango dutela salatu dute

Danimarkako enpresa batek eraiki nahi ditu bi parke eolikoek hamar udalerriri eragingo lieke; Kolitza, La Garbea eta Peña Levante mendietan jarriko lirateke. Enkarterrin Parke Eolikorik Ez! plataformak errefusatu egin du ekintza.


Eguneraketa berriak daude