ARGIA.eus

2020ko ekainaren 03a

Hamabi lagun deklaratzera deitu ditu Audientzia Nazionalak, preso ohiei egindako ongi etorriengatik

  • Tartean leudeke joan den urtarrilean atxilotu eta ordu batzuetara libre utzitako kideak. 2016 eta 2019 artean preso ohiei egindako ongi etorriengatik deitu dituzte deklaratzera, Naiz.eus-ek jakitera eman duenez

ARGIA @argia
2020ko otsailaren 20a
Haimar altuna joan den urtarrilean Guardia Zibilen koarteletik ateratzeko unean (arg.: Foku / Jagoba Manterola)

Urtarrilaren 22an guardia zibilak atxilo hartu eta ordu batzuetara libre utzitako ezker abertzaleko kideak deklaratzera deitu ditu Espainiako Auzitegi Nazionalak, eta horiekin batera zitazio bera jaso dute Juan Mari Olano eta Julen Larrinagak ere, Naiz.eus-ek jakitera eman duenez.

Horrez gain, bigarren txanda batean deklaratzera deituta leudeke beste sei lagun: Alberto Matxain, Garazi Autor, Ikerne Indakoetxea, Jorge Olaiz, Irati Tobar eta Miren Zabaleta. Iturri berak azaldu duenez 2016 eta 2019 artean preso ohiei egindako ongi-etorriekin auzia osatzen ari da Madrilgo entzutegia eta horren ondorio dira zitazio hauek.

Nolanahi ere, deklaratu arte ez dute zehazki jakingo zein diren arrazoi zehatzak eta Manuel Garcia Castellónek ezer leporatzen dien. Presoei egindako harreretan biktimak "umilatzea" eta "ETA goraipatzea" egozten die Guardia Zibilak eta hori ikerketzeko abiatu du instrukzio epaileak auzia.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude