Zazpi atxilotu Sanferminetako prozesioan izandako liskarren harira
Iruñeko alkate Enrique Mayak igandean hedabideen aurrean adierazi zuen atxiloketak egiten ari direla Kuria kalean izandako istiluen harira. Igandean hiru lagun atxilotu zituzten, udaltzain bati lesioak eragitea leporatuta. Astelehenean beste lau, desordena publikoa egotzita, Naizek jakinarazi duenez. Gainera, bosgarren pertsona bat deklaratzera deitu dute astelehen arratsalderako. Iruñeko Udalak oraindik ez ditu azken bi atxiloketak baieztatu.
Iruñeko Udaltzaingoak eta Espainiako Poliziak hiru pertsona atxilotu dituzte igandean, San Fermin prozesioan, Kuria kalean udaltzain bat kolpatu izana egotzita. Udaleko iturriek adierazi dutenez, agenteari sudurra hautsi zioten. Lehen atxilotuak 40 urte ditu eta Iruñerrikoa da; beste biei buruz ez dute informaziorik eman.
Bada, astelehenean beste lau pertsona atxilotu dituzte, oraingoan "desordena publikoa" egotzita, Naiz-ek jakin ahal izan duenez. Bosgarren lagun bat deklaratzera deitu du poliziak, astelehen arratsaldean. Iruñeko Udalak, aldiz, ohar batean atxilotu guztiei leporatu die "agentearen aurkako erasoa", eta ez soilik "desordena publikoa", Naiz-en esanetan. Ahotsa.info-k ere argitaratu du guztira zazpi izan daitezkeela atxilotuak. Iruñeko Udalak oraindik ez ditu baieztatu asteleheneko azken bi atxiloketa horiek.
Enrique Maya Iruñeko alkateak eta Javier Goya udaltzainburuak agerraldia egin dute igandean polizia-operazioaren berri emateko. Atxilotu bakarra aipatu zuen prentsaurrean, eta autoritateen aurkako atentatua, lesio larriak eragitea eta desordena publikoak leporatu dizkiotela jakinarazi.
Mayak esan du erasoaren atzean talde antolatu bat zegoela, nahiz eta gero aitortu behar izan duen kazetari baten galderen harira, hori bere uste bat besterik ez dela. Mayak jakinarazi du Udaltzaingoa prozesioko irudiak berrikusten ari dela eta ez du baztertu atxiloketa gehiago egitea.
Iruñeko alkate eskuindarra saiatu zen EH Bildu gertakari horiekin lotzen, esanez Joseba Asironek protestan ari zirenak animatu zituela "UPN kanpora!" oihuekin eta barrez. EH Bilduk indarkeriaren erabilera deitoratu du eta zaurituei elkartasuna adierazi die.
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.