ARGIA.eus

2020ko urriaren 01a

Gutxieneko zerbitzuak igoz hezkuntzako greba desaktibatu nahia egotzi diote sindikatuek Jaurlaritzari

  • Jaurlaritzak aurreko grebetan baino gutxieneko zerbitzu handiagoak ezarri dituela salatu dute hezkuntzako sindikatuek, eta hori “greba eskubidearen urraketa larria” dela.

ARGIA @argia
2020ko irailaren 14a
Sindikatuek greba jakinarazi zuten prentsaurrekoan. Argazkia: @LABsindikatua.

Astelehenean argitaratu du Eusko Jaurlaritzak gutxieneko zerbitzuen agindua astearteko grebarako. Garbiketan %100eko gutxieneko zerbitzuak ezarri ditu, eta jantoki zerbitzua bermatuko dela adierazi, besteak beste.

ELA, LAB, CCOO, UGT eta Steilas sindikatuek ohar bateratuan salatu dute agindua. Astearteko grebarako ezarritako gutxieneko zerbitzuak aurreko grebetan baino handiagoak direla azpimarratu dute. Jaurlaritzak neurriekin “ babesa eta segurtasuna bermatzeko” helburua duela adierazi du. Hori “aitzakia” dela esan dute sindikatuek: “Orain arteko grebetan ezarritako gutxieneko zerbitzuen irizpideak erabat aldatu ditu, eta osasuna bermatzeko aitzakiapean, inoiz baino gutxieneko zerbitzu altuagoak ezarri ditu”.

Greba indargabetu nahia

Ezarritako zerbitzuak greba eskubidearen aurka egiten dutela uste dute hezkuntzako sindikatuek, eta epaitegietara jotzeko aukera aztertzen ari direla azaldu dute. Aginduaren helburua greba bera indargabetzea da, sindikatuen esanetan: “Hezkuntza Sailaren kudeaketa tamalgarria eta izandako utzikeria ezkutatuz, mobilizazioa ikusezin egiteko eta greba desaktibatzeko saiakera bat da”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Hezkuntza

Hezkuntza kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude