Gutxieneko kontsumorako dohaneko energia "bono sozialak" eskatu dituzte
Arabako hainbat kolektibok Eusko Legebiltzarrean eskatu dute argia eta gasa ordaintzeko zailtasunak dituztenek gutxieneko kontsumo baterako dohaneko sarbidea edukitzea.
"Bizitza duinaren alde" plataformak Arabako hainbat elkarte eta kolektibo biltzen ditu. Ostiralean Eusko Legebiltzarrean izan dira eta bertan jarri dute mahai gainean pobrezia energetikoa gainditzeko neurria: argia eta gasa kontsumitzeko "gutxieneko dohako bonoak".
Plataformako kideen esanetan justuena litzateke "soldata eta bizitza duina" edukitzea, gisa horretan jende orok izango luke fakturak ordaintzeko aukera. Hori gertatu bitartean baina, energia bono sozialak martxan jartzea proposatu dute, beharrizan larriak dituzten pertsonentzat.
Euren kalkuluen arabera, Araban soilik 13.000 lagun daude argiaren eta gasaren hileroko ordainketa egin ezinik.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]