“Gutxieneko konpromiso internazionalistak” bere egiteko eskatu diote hurrengo Eusko Jaurlaritzari
Hamabi talde internazionalistak eta GKEk hainbat eskaera luzatu diete alderdi politiko guztiei. EAEko hauteskunde autonomikoen ostean osatuko den gobernu berriari internazionalismoari dagozkion “gutxieneko konpromisoak” proposatu dizkiote.
AldarriCATuz, Amig@s de la RASD, Askapena, Biladi, Bizilur, Círculo Bolivariano, Euskadi Cuba, Lumaltik, Mundubat, Newroz Euskal Kurdu Elkartea, Paz con Dignidad eta TxiapasEKIN Plataforma Vasca de Solidaridad con Chiapas antolakundeek Gasteizko Legebiltzarraren aurrean aurkeztu zituzten eskakizunak irailaren 8an.
Orain arte Eusko Jaurlaritzak izan duen jarrerarekiko kritiko azaldu dira: “Dokumentu hau sinatzen dugunok, eremu internazionalistan ezer gutxi egin dela iritzi diogu. Maiz, modu aktibo edo pasibo batean, nazioartean nagusi diren menpeko harreman desorekatuak elikatu izan dira. Beste batzuetan, mugimendu sozialetatik egiten dugun lana gutxietsi edo oztopatu izan da”. Egoera hori aldatzeko proposamen zehatzekin osatutako dokumentua adostu eta publiko egin dute alderdi politikoak interpelatzeko. Proposamenak lau multzo nagusitan banatu dituzte.
Herrien autodeterminazio eskubideari dagokionez, palestinarrekin elkartasunez Israeli Boikot dinamika onartzea, Marokorekiko harreman instituzionalak etetea Sahararekin duen jarrera salatzeko, Herrialde Katalanetako prozesu independentista laguntzea eta Kurdistango instituzioei babesa eskaintzea proposatzen dute.
Bigarren multzoan Latinoamerikari begira jarri eta ondorengo ideiak proposatu dituzte: estatu kolpe saiakera oro salatzea, Kolonbiako bake prozesua laguntzea, AEBek Kubari ezarri dioten blokeo ekonomikoa bertan behera gera dadin eskatzea, Zapatisten komunitateak aintzat hartzea eta babes instituzionala adieraztea Venezuelako “prozesu bolibarrari”.
Hirugarren multzoan NATOren esku-hartze militar oro salatzeko proposamena luzatzen dute, nazioarteko erakunde horrek Bardeetan duen tiro eremua ixteko eta arma enpresei diru publikorik ez emateko eskaerekin batera. Errefuxiatuen gaiari dagokionez, babes eta laguntza materiala eskatzen dute eta Europar Batasuna eta Turkiaren arteko ituna arbuiatzeko.
Azkenik, komunikabide publikoen jarrerarekin kritiko, informazioen egiazkotasuna bermatzeko neurriak eta eragile internazionalisten ahotsei ere lekua egiteko eskatzen dituzte. Erakunde publikoen atzerriko jarduera guztia gardentasunaz egin dadin bermatzeko neurri zehatzak behar direla azpimarratu dute.
Internazionalismoarekin bat dokumentuan irakur daitezke proposamen guztiak.
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Maiatzaren amaiera eta ekainaren hasiera artean Gora Herriak jaialdia antolatu du Bixi Bixi elkarteak, zortzigarren urtez, Pasai Donibanen. Aurreko urteetan jatorrizko hainbat herriren errealitatea ezagutzera eman ondoren, aurtengo jaialdiak Ameriketako edo "Abya... [+]
Hainbat eragilek deituta, NATOren aurkako elkarretaratzea egin da Iruñeko Udaletxearen aurrean. Izan ere, gaur, martxoak 12, 39 urte bete dira Hego Euskal Herriak, Espainiar Estatua NATOn sartzeko erreferendumari ezezkoa eman ziola. Askapenako kide batek adierazi du, gaurko... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Mamu batek zeharkatzen ditu sukaldeak: Karlosen mamuak.
Karlos ez da aurkeztu Master Chef Celebrity lehiaketara. Bere sukaldaritza-ondarea aztertuta, oso argi dauka ez duela lehiakideen aukeraketa gaindituko. Izan ere, hedabide eta gastronomiaren akademiaren ateak itxita izan... [+]
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Berriki Pierre Carles dokumental egile engaiatuaren azken lana ikusteko aukera izan dut. Guérilla des FARC, l'avenir a une histoire (FARC gerrilla, etorkizunak historia du) du izena eta Kolonbian mende erdi baino gehiago iraun duen gatazka armatuaren kontakizun... [+]
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Palestina, mediatikoki aurkeztua ez den bezala, aipatu zen joan den larunbatean Makean, mintzaldi, tailer, merkatu eta kontzertuen bidez.
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta... [+]
Su etenaren aldeko kolektiboek, osasun langileek, suhiltzaileek, kirolariek…bat egin dute Golem zinemetatik irtengo den protestaren deialdian. Duela urtebete gogortu zen sarraskia salatu eta 76 urtez luzatu den Palestinarren borrokari elkartasuna adierazteko manifestazioa... [+]