GuraSosek eskatu du errausketaz eztabaidatzeko aukera “gizarteari bueltatzea”
Zubietako errauskailuak haurrengan izan dezakeen eraginaz kezkatutako senideen elkartearen ustez hondakinen kudeaketaren gaia “despolitizatu” egin behar da.
GuraSos elkarteak errausketaren gaia bideratzeko proposamena plazaratu du ohar-bidez eta auzia “despolitizatu, gizarteratu eta birbideratu” egin behar dela iritzi dio. Elkartearen esanetan “egungo liskar agertokia eutsi ezina da” eta “muturreko politizazioa” bizi dugu.
Zentzu horretan, oso kritiko agertu da Imanol Lasa Gipuzkoako Foru Aldundiko bozeramaileak asteartean egindako adierazpenekin. Lasak zalantzan jarri zuen errausketaren ondorioez informatzen ari diren medikuen lana eta esan zuen ez dagoela “ebidentzia zientifikorik” kaltegarriak direla baieztatzeko: “Zerk legitimatzen du bera medikuei onartzen ez diena esatera?” galdetu du GuraSosek.
Bestalde, EH Bilduk eta Ahal Duguk Batzar Nagusietan errausketaren eraginen inguruko komisio bat eratzeko egin proposamenaren harira, elkartearen ustez ez da “zilegi” mediku eta ikertzaileak halako ekimenetan “nahastea”.
GuraSosen ustez gizarteari ez zaio eman “informazio zehatza eta eztabaidatzeko aukerarik” errausketaren inguruan, eta gaia “gizarteari bueltatzea” eskatu du. Modu berean, foru ordezkariei eskatu diete “baretze bide bat ireki” dezatela, obren lizitazio prozesuaren abiadura moteltzearekin hasita.
Elkartea maiatzaren hasieran aurkeztu zuten eta manifestu bat plazaratu zuten Zubietako errauskailuaren proiektua bertan behera uzteko eskatuz. Senideen artean 5.000 atxikimendutik gora bildu ditu dagoeneko manifestu horrek webgunearen bidez.
Jaurlaritzak Valogreene enpresari ingurumen baimena eman izanari helegitea aurkeztu zioten Bergarako Udalak, Ekologistak Martxan taldeak eta Bergarako bi bizilagunek 2022ko apirilean. Udalak azpimarratu du auzitegiak arrazoia eman diola, ebatzi baitu Jaurlaritzak hartu... [+]
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
4.500 herritarrek eta Bergarako Udalak jarritako helegiteei muzin egitea egotzi dio Larramendiko Arnasa plataformak Eusko Jaurlaritzari eta manifestazioa antolatu du erraustegi proiektuaren aurka hilaren 19an, igandearekin.
Errausketaren Aurkako Mugimenduak eragile anitzen babesarekin antolatuta, martxa girotu batek Lasarte-Oria eta Zubietako erraustegia lotu ditu larunbat honetan.
Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.
Udalaren eta Behemendi elkartearen arteko elkarlanaren fruitu da ekimena. Herrian sortutako hondakin organikoaren zati bat Lartzandieta baserrian konpostatzen hasi dira.
Valogreene Paper BC SM enpresari emandako hirigintza-bateragarritasunari buruzko txostena baliogabetu du Bergarako Udalak, aipatutako txostena egiteko adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta... [+]