Guardia Zibila Kataluniako parlamentuan sartu da, erreferendumarekin lotutako faktura bila

  • Katalunian 2017ko urriaren 1ean egin zen erreferenduma bultzatu zuten buruzagi independentisten aurkako epaiketa martxan den bitartean, Guardia Zibileko agenteak parlamentu autonomikoan sartu dira, erreferendumarekin lotutako faktura bila.


2019ko martxoaren 06an - 13:43
Kataluniako parlamentua iazko irudi batean (argazkia: Kataluniako Generalitatea).

Ekitaldi zehatz baten inguruko informazioaren bila joan dira Guardia Zibilak parlamentu kataluniarrera: urriaren 1eko erreferenduma iragartzeko Teatre Nacional de Catalunya antzokian 2017 uztailean egin zen aurkezpenarekin lotutako datuak hartu nahi dituzte.

Efe albiste agentziaren arabera, Espainiako indar armatuetako kideek eskatu dituzte ekitaldi hori pagatzeko fakturak. Junts pel Sí-k (Convergencia, ERC eta independenteak batu zituen hauteskunde plataforma independentista) bere garaian adierazi zuen bere talde parlamentarioak ordaindu zuela aipatutako ekitaldia.

Parlamentuan sartzeko agindua Bartzelonako 13. epaitegiak eman du. Buruzagi independentistak epaitzen ari den Espainiako Auzitegi Gorenaz gain, Bartzelonako epaitegi hori ere ari da urriaren 1eko erreferenduma nola prestatu zuten ikertzen. Oraingoan parlamentuan sartu diren arren, ekitaldi berarekin lotuta Teatre Nacional de Catalunyan ere sartu zen Guardia Zibila ekitaldia egin eta gutxira, 2017ko uztailean bertan.


Kanal honetatik interesatuko zaizu: Kataluniako erreferenduma
Ponsati ez da agertu Auzitegi Gorenean zeukan hitzordura

Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.


2022-09-14 | ARGIA
Espainiako Defentsa Ministerioa harrapatu dute Kataluniako erreferendumaren Wikipediako erreferentzia bat moldatzen

Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]


2022-08-31 | ARGIA
Kataluniako buruzagi independentisten eskubideak urratu zituen Espainiako Estatuak, NBEren arabera

Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.


2022-05-25 | ARGIA
Kataluniako presoen indultuak berrikusiko ditu Espainiako Epaitegi Gorenak

Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.


Eguneraketa berriak daude