Grebara deitu dute ostegunean Ikasle Abertzaleek, hezkuntza enpresari handiek kontrolatzen dutela salatzeko
"Elite ekonomikoen araberako hezkuntza" dugula, eta enpresen eta hezkuntza zentroen arteko harremanak, jakintza-alor batzuetan jartzen den indarra, funtzio diziplinatzailea, kontrol sistemak… horren erakusgarri direla iritzi diote Ikasle Abertzaleek. Greba eguna deitu dute martxoaren 30ean eta eguerdian mobilizazioak egingo dituzte Hego Euskal Herriko lau hiriburuetan.
aurre egingo dieten hedabide independenteak
“Enpresari handien menpeko hezkuntzak miseriara kondenatzen gaitu!” lelopean, manifestazioak deitu dituzte 12:00etan Iruñean (Antoniutitik), Donostian (Ibaetako Aulariopetik) eta Bilbon (Eliptika plazatik), eta 11:30ean Gasteizen (Andra Mari Zuriaren plazatik). Hego Euskal Herriko bigarren hezkuntzako, unibertsitateko eta Lanbide Heziketako ikasleak daude grebara deituta.
Hezkuntza enpresari handien interesen arabera antolatuta dagoela eta azken hezkuntza erreformak horren isla direla salatu dute, nabarmena dela enpresek duten lotura unibertsitateekin eta Lanbide Heziketako zentroekin. Horrela laburbildu du ikasle mugimenduko kideetako batek, Gedar-ek egindako elkarrizketan:
“Enpresen esku-hartzea zeharka (praktiketan, masterretan edo ikerketa-lerroetan duten eragina) nahiz zuzenean (egiten dituzten zuzeneko inbertsioak) ikusten da; enpresariek kontrolatzen dute hezkuntza. Enpresa pribatuek, agente espekulatzaileek edota bankuek aho betean finantzatzen dituzte unibertsitateko graduak eta masterrak, milioika euro ordaintuta; eta, noski, horietan eduki oso zehatz bat irakats dadin egiten dute hori. Unibertsitatean martxan jartzen diren ikerketa-lerroak erdi behartzeko edo bideratzeko ere egiten dute, eta ohikoa da ikasleek zuzenean enpresentzat ikertzea”.
Ikasleen “kontrol plataformak” kritikatu eta horiek kentzeko ere eskatuko dute gazteek greba egunean, tartean Inika eta SMS zerbitzuak.
Lan politikoari oztopoak
IAk asteak daramatza ikastetxez ikastetxe ekintzak antolatzen, ikasleria grebara deitzeko. Lan politikoa egiteko ikasleei “sekulako oztopoak” jartzen dizkietela nabarmendu dute IAtik, antolatzeko, espazioak erabiltzeko edota hitzaldiak emateko, besteak beste. "Identifikazioak, jarraipenak eta espedienteak irekitzearen gaineko mehatxuak" jasaten dituztela adierazi dute, baina greba aurreko egunetan Poliziaren errepresioa igo egin dela eta agenteen presentzia "guztiz itogarria" izaten ari dela nabarmendu dute. Greba honen “lanketa osoan jasan ditugun askatasun urraketak (propaganda lanetan ari zela atxilotu zuten ikaslea, seguraten jarraipenak, presentzia poliziala)” ere salatuko dituzte mobilizazioetan.
Hezkuntzaren egoera aldatu eta baldintza hobeak lortzeko borrokan, ikasleria antolatzea beharrezkoa dela eta mobilizazio hauek horretarako aukera direla nabarmendu du mugimenduak.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]