Greba osteko borroka eguna: milaka emakume karriketan
Azken bi urteetako greben eskutik etorri da 2020ko Emakumeen Nazioarteko Eguna. Aurten ez da grebarik izan, baina Euskal Herriko mugimendu feministak aurreko urteetako tentsioa mantendu nahi izan du M8ko borroka egunaren bidez. “Antolatu indarrak, batu borroka feministara” izan da aurtengo leloa. Gizarte atomizatu eta indibidualizatu honetan, antolatzera eta borroka kolektiboan egitera dei egin dute. Ekintza nagusiak igandean izan badira ere, ostiraletik izan dira martxan auzoak, herriak eta hiriburuak.
Alea.eus hedabideak eman du Gasteizko eta Arabako egitarauen berri. Ondoko loturan duzue informazioa: Aldarri feminista hedatuko da igandean, Arabako iparretik hegora.
Euskalerria.eus hedabideak Iruñeko auzoetako egitarauak eta Iruñerriko (Antsoain, Atarrabia, Barañain, Burlata, Esteribar) herrietako egitarauak bildu ditu. Ondoko loturan duzue informazioa: M8a, Iruñerrian.
Uriola.eus hedabideak Bilboko egitarau orokorra eta Deustua, San Ignazio, Santutxu, Alde Zaharra, eta Uribarri auzoetako egitarauen berri eman du. Ondoko loturan duzue informazio guztia: Egitarau oparoa Emakume Langilearen Nazioarteko egunaren bueltan
Irutxuloko Hitza-k asteburuko egitarau guztiak bildu ditu. Egitarau orokorraz gain, Antigua, Altza, Egia, Morlans, Amara eta Gros auzoko ekintzak jaso ditu. Ondoko loturan duzue informazio guztia: Martxoaren 8arekin lotuta, asteburu osoan mobilizatzera deitu du mugimendu feministak
200dik gora egun daramatzate greban Gipuzkoako zahar egoitzetako langileek eta itxialdi feministaren bidez salatu nahi dute erakunde publikoek, Gipuzkoako Foru Aldundiak eta patronalek propaganda feminista egiten duten bitartean, emakumeen lan eta bizi baldintzak sistematikoki prekarizatzen dituztela.
Lan gatazka blokeatuta dago eta Martxoak 8 baliatu nahi izan dute haien borroka sozializatzeko. ELA sindikatuak ondorengo loturan eman du itxialdiaren berri: Gipuzkoako erresidentzietako grebalariak Donostiako emakumeen etxean sartu dira ekintza baketsu batean erakunde publikoen propaganda feminista salatzeko
Etxe batean badira zenbait gune, gutxitan erakusten zaizkionak etxetarra ez den norbaiti. Esan trastelekua, ganbara, galdara gela, armairu bat. Askotan lurrazpiko etxeko oinean edo irisgarritasun gutxiko etxearen goialdean kokaturik dira. Etxearen txoko hauek lotsa,... [+]
Bildumako azken alea izango dela jakinarazi dute: lehenbizikoa Ni-ari buruzkoa izan zen, eta bigarrena Zu. Bigarren hura bezala, autoedizioan kaleratu du honakoa ere.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]