ARGIA.eus

2021eko abuztuaren 03a

Grande-Marlaska epaile zela 223 euskal herritarrek salatu zituzten torturak

  • Torturaren Biktimen Babeserako Nazioarteko egunaren harira, Fernando Grande-Marlaska instrukzio-epaile zenean torturatutako hamalau pertsonak, Amaia Izko abokatuarekin batera, agerraldia egin dute asteartean Bilbon.

ARGIA @argia
2018ko ekainaren 26a

EAEko Auzitegi Nagusiaren atarian bilduta, ezker abertzaleak Fernando Grande-Marlaska barne ministroari egindako mina aitortzeko exijitu dio, bere jardunak tortura ahalbidetu zuela argudiatuz. “Bakean eta bizikidetzan oinarritutako herri batean bizi ahal izateko”, Espainiako komisaldegietan torturatuak izan diren milaka herritarren minak aitortza behar duela defendatu dute.

Eragindako kaltea aitortzeaz gain, torturaren erabileraren bidez lortutako inkulpazio zein autoinkulpazioen kasuan ezarritako zigorrak baliogabetu egin beharko liratekela adierazi dute. Eta estreinatu berria den agertokian “justizia trantsizionala aplikatzeko” gonbitea luzatu diote, Ezker Abertzalea gatazkaren konponbidean ekarpenak egiteko prest dagoela azalduz.

Grande-Marlaska epailea barne ministro izendatu zutela jakitean askok “izua, beldurra eta oinazea” sentitu zituztela azpimarratu dute, berau Espainiako Auzitegiko instrukzio epailea zenean tortura ahalbidetu zuelako. Garai hartan dozenaka pertsonak bere aurrean torturak salatu arren, honek ez-ikusiarena egin eta neurririk hartu ez izana salatu dute.

Grande-Marlaska Espainiako Auzitegiko instrukzio epaile zela, Istanbulgo protokoloak egiaztatu dituen 223 euskal herritarrek salatu zituzten espetxealdian jasandako tratu txar eta torturak. Instrukzio epaile guztietatik, bere ardurapean atxilotutako norbanakoen tortura salaketa gehien dituen epaileetako bat da.

2004tik hona Estrasburgoko giza eskubideen auzitegiak Espainiako Estatua bederatzi aldiz zigortu du tortura salaketak behar bezala ez ikertzeagatik. Bederatzi aldi horietatik seitan Grande-Marlaska zen instrukzio-epaile. “Honelako epaile anker bat barne ministro izendatzeak tortura jasan duten guztiak iraindu ez ezik, sentitzen duten mina ere areagotzen du”, adierazi du Sortuk.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Tortura

Tortura kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude