Gotzon Iparragirre: “Espetxe politika ezin da ulertu, mendekutik ulertzen ez bada”
Gotzon Iparragirre, Ibon Iparragirre presoaren anaia elkarrizketatu dute Info7 irratian. Navalcarnerotik Alcalá Mecoko kartzelara eraman dute Ibon, inolako azalpenik eman gabe. Azaroaren 29an elkarretaratzea egingo da Bilbon, Ibonen moduan gaixorik dauden presoak etxera ekartzeko eskatuz.
aurre egingo dieten hedabide independenteak
Joan den astean eraman zuten Ibon Iparragirre presoa Alcalá Mecoko kartzelara, ordura arte Navalcarneron egon ostean. Ez berari, ez bere familiari, ez diete arrazoi jakinik eman aldaketa hori justifikatzeko. “Aste honetan hobeto dago, baina iragan igandean oso urduri eta aztoratuta deitu zion amari. Azalpenik eta ia bere gauzak jasotzeko astirik eman gabe eraman zuten Mecora”, azaldu du Gotzonek.
Larriki gaixorik egon arren, Ibon zelda txiki batean arropa egokirik gabe eduki dutela kontatu du bere anaiak, eta hotz handia pasatu duela familiakoek bisitan arropak eraman zizkioten arte. “Dagoen egoeran kartzela berri batera egokitu behar izan du. Ez zioten utzi telebista eta irratia berarekin eramaten, eta hori da kanpoaldearekin duen konexio bakarra. Ibonek oso gutxi ikusten du, ezin du prentsa irakurri”.
Bi urte eta lau hilabetez bere Ondarroako etxean eduki dute Ibon Iparragirre, “erregimen zorrotzean, baina familiaren ondoan”. Navalcarnerora eramatea “kolpe” bat izan zela dio Gotzonek, eta bigarren aldaketa hau beste bat gehiago.
“Alcalán moduluan daukate, ez erizaintzan, eta esan diote ez dutela gainerako preso politikoekin elkartuko. Alcalá Meco kartzelarik zaharrenetarikoa eta zikinenetarikoa da, eta hori da Iboni gutxien komeni zaiona une honetan. Hemendik aurrera edozer gerta dakioke”, azaldu du haren anaiak.
Espainiako espetxe politikak Ibon muturreko egoera batera eraman nahi duela uste du Gotzonek, eta mendeku nahiak soilik justifika ditzakeela horrelako erabakiak. “Baina gu ez gaude hori onartzeko prest”.
“Iparra galdu baik”, Ibon Iparragirreren aldeko plataforma Bizkaiko antzerako plataformekin elkarlanean hasi dela adierazi du Gotzonek. “Ekintza ugari egin ditugu orain arte, eta gure indarrak beste talde batzuekin koordinatzea erabaki dugu orain”. Azaroaren 29rako elkarretaratzea deituko dute Bilbon, gaixorik dauden presoak etxera ekar ditzaten eskatuz.
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"
2019ko zerrendatik bi izen atera dira: Aitzol Gogorza, espetxeratze arinduan, eta Jose Angel Otxoa de Eribe, berriki zendua. Duela hamar urte baino hamahiru preso larri eta sendaezin gehiago daudela ohartarazi du Etxerat elkarteak.
Euskal Herrian jaio izanaren ordaina izan da gatazka mingarri batean harrapatuak egotea. Aukera bat izan zitekeen ez ikusiarena egin eta ezer gertatuko ez balitz bezala bizitzen saiatzea. Zilegi izan daiteke.
Jose Ramon Lopez de Abetxuko preso ohiak eta Txeman Matanzas abokatuak preso gaixoen egoeraren inguruko hitzaldia eman dute Gasteizko unibertsitateko campusean. Aretoak gainezka egin du. Aurretik Esteban de Garibay elkarte eskuindar unionistak hitzaldiaren aurkako kontzentrazioa... [+]
EHUren Gasteizko campusean egingo da hitzaldia, asteartean. Esteban Garibai elkarteak hitzaldiaren kontrako elkarretaratzea deitu du, hitzaldia hasi baino ordu laurden lehenago. Hizlariaren aurkako jazarpenarekin aurkako “sufrimendu jakin bat” estali nahi dela salatu... [+]
Ibon Fernandez Iradi euskal presoak egindako zigor etete eskaera onartu du Parisko Zigor Aplikazioen Auzitegiak, baina Fiskaltzak jarritako helegitea medio, haren askatasunari buruzko azken erabakia bi hilabete barrura arte atzeratu da. Esklerosi anizkoitza du Lasarte-Oriako... [+]
Espainiako Estatuak darabilen kartzela politikak euskal presoen eskubideak urratzen ditu eta urraketa horien txostena aurkeztu dute Sare Herritarrak eta EHUko Ikasmirak elkarteak. Txostena Nazio Batuen Erakundeko Giza Eskubideen Batzordera eramango dute orain.
Larunbatean jarri zuten abian kanpaina Bakearen Artisauek. Uztailaren 5ean Parisko Zigorrak Aplikatzeko Auzitegiak baldintzapean aske uztearen alde egin zuen, baina fiskaltzak helegitea jarri zuen eta preso jarraitzen du.
Urkabustaizko bizilagunak gaixotasun larria du.