Glovoren aurkako protestak, banatzaile bat lan-istripuan hil eta gero
Glovorentzako lanean ari zen 22 urteko langilea larunbat gauean hil zen Bartzelonan, kamioi batek harrapatu ostean. Lankide eta lagunak mobilizazioak burutzen ari dira Glovok eta prekarietateak hil egiten dituztela salatzeko.
Larunbat gaueko 23:30ak aldera garbiketa kamioi batek Glovorentzako lanean ari zen langile bat harrapatu zuen, eta bertan hil zen langilea. Laster jakin zen langileak 22 urte zituela, nepaldarra zela, gaueko lana egiten zuela eta banaketa bakoitzeko hiru euro kobratzen zituela. Gerora jakin da ofizialki ez zela Glovorentzako lanean ari.
Glovok autonomo bezala alta ematera behartzen ditu enpresarentzako lan egin nahi duten pertsonak. Espainiako Estatuan bost sententzia ezberdinek ebatzi dute Glovoren langileak “autonomo faltsuk” direla, baina enpresak bere negozio eredua mantentzen du. Gazte nepaldarrak, ordea, ez zuen erresidentzia baimenik, ezinezkoa zitzaion autonomoetan alta ematea. Beste pertsona baten izenean eta haren kontua erabiliz ari zen lanean, norbaitek utzita edo alokatuta. Lankideek adierazi dute ohiko egoera dela hori, etorkin papergabeek esplotazio gehigarria pairatzen dutela. (ARGIAK 241. Larruna eskaini berri dio Glovoren lan ereduari, eta Paul Ianok Glovorentzat lanean aritu bitartean izandako esperientzian du abiapuntu)
Protestak Bartzelonan eta Bilbon
Igandean bertan, hilak 26, gaztearen lankideek protesta egin zuten Bartzelonako Glovoren egoitza aurrean. Lankidea prekarietateak eta Glovoren lan ereduak hil dutela salatu dute, horrelako ezbeharra ematea denbora kontua zela. Hildakoaren omenezko loreak utzi, laneko bizikletekin errepidea moztu, eta Glovoren hainbat motxilei su eman zieten manifestariek. Enpresaren egoitzan sartzen ere saiatu ziren, baina Esquadra Mossoek eta Espainiako Poliziak eragotzi egin zieten. Hurrengo egunean kalera atera dira berriz ere Bartzelonan.
Protestak Espainiako Estatuko hainbat hirietara zabaldu dira. Euskal Herriari dagokionez, Bilbon elkarretaratzea egin zuten astelehenean. “Prekarietateak hiltzen gaitu. Glovo nos mata. Sus millones nuestros muertos” lelodun pankartaren atzean bildu dira hamarnaka lagun. RidersXderechos banatzaileen elkarteak, Eraginek (Bilboko Gazte Prekarizatuen Asanblada) eta Glovoko langileek deitu dute protesta.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]