Gizonezko bat espetxeratu dute, bi ahizpa adingaberi sexu abusuak egitea leporatuta

  • Maiatzaren 2an bi ahizpen amak salaketa jarri zuen Getxoko komisaldegian. Ikerketa amaituta gizonezkoak epaile aurrean deklaratu du, eta honek bere espetxeratzea agindu du.

ARGIA @argia
2019ko maiatzaren 10a
Apirilean ezagutu zen sexu erasoaren aurkako mobilizazioa Areetan (Getxo). Argazkia: Ecuador Etxea

Gizon baten aurka salaketa jarri zuen emakumeak, bere alaba eta adingabeari sexu erasoak egiteagatik. Ertzaintzak ikerketa abiatu, eta jakin du beste ahizpa bati ere egin zizkiola erasoak. Egun adin nagusia da bigarren alaba hori, baina erasoak gertatu zirenean adin gabea zen. Ez zuen orduan salaketarik egin, gizonak –haien senidea da– mehatxatu egin zuelako eta babes gabe sentitzen zelako.

Espetxeratutako gizonak 44 urte ditu. Ikerketa amaitutakoan Ertzaintzak atxilotu egin du. Deklaratu eta gero epaileak espetxeratzea agindu du, sexu erasoak eta sexu abusuak leporatuta.

Bigarren erasoa hilabete bakarrean

Orain dela hilabete, apirilaren 12an, beste salaketa jarri zuen emakume batek Getxon, gizonezko batek, lan eskaintza faltsua baliatuta sexu erasoa egiteagatik. Gizona atxilotu egin zuten eta epailearen aurrean deklaratu ostean libre geratu zen karguekin; erasotutako emakumearengandik 300 metro baina gutxiagora hurbiltzeko debekua dauka.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sexu Erasoak  |  Indarkeria matxista

Sexu Erasoak kanaletik interesatuko zaizu...
Azkenak
EGILEA
Eguneraketa berriak daude