Gizonezko bat atxilotu dute Ekoran, bikotekideari eraso egitea egotzita

  • Biktimaren lagun batek tratu txarren berri eman zion Ertzaintzari, telefonoz. Emakumea oso urduri eta hainbat ubeldura zituela aurkitu zuten.  

Indarkeria matxistaren aurkako elkarretaratze bat, artxiboko irudi batean. ALEA
Artikulu hau CC BY-SA 3.0 lizentziari esker ekarri dugu.

2021eko abuztuaren 04an - 07:17
Azken eguneraketa: 09:21

41 urteko gizonezko bat atxilotu zuten atzo Ekoran, bikotekideari eraso egitea leporatuta. Segurtasun Sailak ezagutarazi duenez, biktimaren lagun batek Ertzaintzari deitu zion, egoeraren berri emanez. Poliziek jaso zuten salaketaren arabera, Ekorako emakumeak lagun horri kontatu zion tratu txarrak jasaten ari zela. Lagunak Ertzaintzari deitzea erabaki zuen.

Biktimaren etxera joan zirenean, ertzainek emakumea "oso urduri" aurkitu zuten, eta hainbat hematoma zituela egiaztatu ahal izan zuten. Osasun zentro batera eraman zuten emakumea, eta, ondoren, bikotekidea atxilotu zuten, genero indarkeriako delitua egotzita.

Ez da izan azken orduetan Araban izandako eraso matxista bakarra. Igandean ere Gasteizko udaltzainek 49 urteko gizonezko bat atxilotu zuten, Iparralde parkean emakume bati eraso egitea leporatuta. 

 


 

Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.

 


 

 


Kanal honetatik interesatuko zaizu: Indarkeria matxista
2024-05-30 | Hiruka .eus
Adingabeen sexu-erasoak salatzeko bide seguru eta eraginkorrak aldarrikatu dituzte Getxon

Europa ikastetxeko sexu-abusuak salatzeko eta umeei eta euren senideei babesa adierazteko elkarretaratze jendetsua egin dute asteazkenean, Getxon, Malakate parkean. Algortako Mugimendu Feministak deituta, deitoratu dute haurren kontrako indarkeria ez dela anomalia bat, eta... [+]


Irakasle baten sexu abusuak salatu dituzte Getxoko eskola bateko lau familiak

Adingabeetako bati ospitalean sexu eraso zantzuak aurkitu ostean heldu dira salaketak. Segurtasun Sailak jakinarazi du ikerketa abiatu duela eta lau salaketa jarri direla. Getxoko Europa ikastetxeak adierazi du irakaslea “zentrotik apartatu” duela eta... [+]


“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.


Onintza Enbeita: "Erasotzailea inpunitate osoz mugitzen den bitartean, biktima beldur da kalera bakarrik ateratzeko"

Mario Lopezek lau herritarri jarritako salaketa artxibatu egin du epaileak. Sare sozialak eta kaleak protestaz bete ziren, saskibaloi jokalari batek salatu zuenean Lointek Gernikako kirol entrenatzaile Mario Lopezek sexu gehiegikeriak egin zizkiola. Bueltan, Lopezek lau... [+]


Cristina Rivera Garza. Hildakoekin idaztea
"Zerbait gertatzen da munduan kolektiboki esaten dugunean norbait falta zaigula"

Bilbora etorri zen apirilean, idazketa sendatzaileei buruzko hitzaldi bat ematera, EHUko Ikerketa Ereduak eta Arloak Gizarte Zientzietan masterrak gonbidatuta. Bazuen zer esanik: soziologia eta historia ikasitakoa, artxiboa baliatzen du idazteko, eta bere ahizparen bizitza eta... [+]


Eguneraketa berriak daude