Gipuzkoako Aldundiak 2.000 euroko isuna jarri dio A8ko trafiko-zarata arintzeko panelak eskatzen ari den Mendaroko bizilagunari
Gipuzkoako Foru Aldundiak 2.000 euroko isuna jarri dio Joseba Olazabali, A8 autobideko trafiko-zarata gutxitzeko Mendaron panel akustikoak jartzeko eskatzen ari den gizonari. Urriaren 21eko data du Olazabalek jaso duen gutunak eta bere protestekin bide segurtasuna arriskuan jartzea leporatzen diote bertan.
Era berean, kartelak kentzeko eta “autobidearen erabiltzaileek arreta galtzea eragin dezaketen jarduerarik” ez egiteko agindu diote. Olazabalek berak egin du publiko isuna, eta adierazi du ez duela etsiko. “Kartelak jartzen hasi nintzenetik 50 bat milioi auto pasatuko ziren gure etxe aurretik eta ez dut istripu bakar bat eragin. Gure bizi-kalitatea hobetzeko ematen diegu botoa agintariei, eta Mendaroko kasuan, okerrera goaz nabarmen. Diputatuari ere esan nion haientzat albo-ondorioak garela eta gozoa jarri zen!”, dio sare sozialen bidez zabaldu duen oharrean. Hainbat herritarrek babesa agertu diote eta ekinbideetan laguntzeko prest azaldu zaizkio.
Aurrez, duela bi urte ere, autobideko erabiltzaileen "arreta galtzea eragin dezaketen jarduerak" egiteari lagatzeko eta kartelik ez jartzeko Aldundiak bidalitako errekerimendua jaso zuen Olazabalek.
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
6.000 euro eta bi hilabeteko isunak ezarri dizkiete erretiratutako baserritarrei azoketan saltzeagatik. Hori dela eta irtenbide bat eskatzeko bilera eskatu dio Gipuzkoako Foru Aldundiak Gizarte Segurantzari. Ikuskapenek beldurra sortu dute Gipuzkoako azoketan; gutxienez dozena... [+]
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]