Gipuzkoako Foru Aldundia ez da azaldu zaharren egoitzetako gatazka lantzeko bilerara
Asteazkenean zeukaten biltzeko hitzordua egina gatazkako alderdi guztiek, afera bideratzeko. Sindikatuek eta enpresek bat egin dute bileran, baina Diputazioko ordezkaririk ez da agertu.
ELAren eskariz, Eusko Jaurlaritzako Lan Sailak deitu zuen bilera, gatazkako alde guztiak hitzartuz: sindikatuak, enpresak eta Gipuzkoako Foru Aldundia, alegia. Bileran, patronalak eta sindikatuek bat egin dute, eta Foru Aldundiko ordezkaririk ez da agertu. ELAko ordezkari Txomin Lasak salatu egin du Diputazioak kale egin izana, eta jokabide hori kritikatu du: “Arduragabekeria iruditzen zaigu; are gehiago, errespetu falta”.
Gatazka enpresen eta sindikatuen artekoa dela eta konponbidea beraiek bilatu behar dutela argudiatu izan du Gipuzkoako Foru Aldundiak hasieratik. Konponbiderako urratsak zapuztea leporatu dio behin baino gehiagotan ELAk Aldundiari: sindikatua negoziaketa mahaitik kanpo badago ere, patronalarekin harremanetan aritu da, eta hitzarmen bat sinatzeko bidea ere ireki zuen; sindikatuak jakitera eman duenez, ordea, Foru Aldundiak zapuztu zuen bide hori. Gaurko huts egitearen ostean, LAB sindikatuak ere hitza hartu du, eta adierazi Aldundiak gatazka honetan esku hartu beharko lukeela.
2018ko irailetik ari dira protestan Gipuzkoako zaharren egoitzetan eta eguneko zentroetan lan egiten duten gerokultoreak, erizainak eta garbitzaileak. Lan hitzarmena berritzeko negoziaketak aurrera egiten ez zuela ikusita, greba hasi zuten. Ordutik 60 greba egun baino gehiago deitu ditu ELA sindikatuak, eta 20tik gora LAB sindikatuak.
Zahar etxeeetako langileak Zinemaldiaren alfonbra gorrian sartzen saiatu dira (irailak 25), baina Poliziak geldiarazi egin ditu.
Gipuzkoako egoitzetako langileek hiru urte daramatzate greba egunak egiten. Ekainaren 14koa 250garrena izango da. Langileen lan baldintzak eta erabiltzaileei eskaintzen zaien zerbitzua hobetuko lituzkeen hitzarmen kolektiboa lortzea dute helburu.
Otsailaren 6an greba deitua dute LAB eta ELA sindikatuek, bakoitzak bere aldetik, Gipuzkoako zahar etxeetan. Bi sindikatu hauek salatu dute Jaurlaritzak gutxieneko zerbitzuak %100ekoak ezarri dituela eta beraz, greba eskubidea ukatu diela 5.000tik gora langileri. Greba egunean... [+]
Urriaren 6an, ELAk pandemiaren ondorioz gelditutako greba luzea berriz hasiko du Gipuzkoan. Egun berean LABek grebara deitu du. Araban, ELA, LAB, UGT eta CCOO sindikatuek hiru eguneko greba deialdia egin dute adinekoen egoitza pribatuetan.
Pandemiak erantzukizunez jokatzea eskatzen ziela ondorioztaturik, martxoaren 13an bertan behera utzi zuten greba Gipuzkoako zahar-egoitzetako langileek. Ordutik beren egoerak okerrera egin duenez, berriz ere grebari ekitea erabaki dute, urriaren 6an.