Gipuzkoako eraikuntzako mahai negoziatzailea osatu gabe, patronalen arteko ika-mikagatik
Eraikuntza eta obra publikoetako Gipuzkoako hitzarmena negoziatzeko mahaia osatu ezinik geratu da oraingoz, ostegunean Lan Harremanen Kontseiluan egindako bileran sektoreko enpresa-elkarteak –Ascongi, Garen eta Eraiki– ez direlako ados jarri euren artean izan beharreko ordezkaritzaren inguruan. Martxoaren 23an beste bilera bat izango da.
ELAk du langileen ordezkaritzaren gehiengoa Gipuzkoan (%60), eta horrez gain LAB, UGT eta CCOOko kideak ere izan dira bileran. Sindikatuek patronalei exijitu diete ez dezatela mahai negoziatzailea eratzea atzeratu: “Beste sektore askotan gertatzen ari den bezala, berriro ere patronalak bere ordezkaritzaren inguruan ados jartzeko dituen arazoek sektoreko negoziazio mahaia eratzea eragotzi dute. Euren arteko lehiak hitzarmenaren negoziaketa abiatzea eragotzi du”, azaldu du LABek.
Gipuzkoako eraikuntzan sinaturiko azken hitzarmen kolektiboa 2009koa da eta ELAk nabarmendu duenez langileen soldata-taulak duela 10 urtekoak dira, “obretan diru kopuru handia inbertitzen ari diren bitartean”. Sektoreko sindikatu nagusienarentzat “lehentasunezko” gaia da eraikuntzako beharginen lan-baldintzak hobetzea “esplotazio, prekarietate eta iruzurrez betetako egoera alde batera uzteko”.
Esplotazio kasuak eta lan-hitzarmena betetzen ez duten obren inguruko salaketak biderkatu egin dira azkenaldian. Abiadura Handiko Trenean esaterako, prekarietate egoera hori erakusten du Zuloan liburuak –ARGIAk eta Manu Robles-Arangiz institutuak argitaratua–, baina horrez gain Zubietako erraustegian edo Anoetako estadioaren berrikuntzan ere azpikontraten arau-hauste ugari salatu dituzte bai ELAk eta bai LABek.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Urola Kostan gertatu dira bi istripuak, eta bietan langile baten heriotza eragin du ezbeharrak.
Ser irratian elkarrizketa egin diote Barakaldoko arrain-saltzaileari. Unai Rementeria Bizkaiko ahaldun nagusiak txiokatutakoa gezurtatuz, badu kexarik eta eskakizunik, eta zuzenean esplikatu zizkion Rementeriari honek txioa idatzi aurretik.
UEFAren menpe dagoen Volunteer Manager baten bitartez ari da ikuskizun hori koordinatzen Espainiako Futbol Federazioa. 200 “boluntarioren” bila ari da, bi astez entsaiatzen aritzeko prest izango direnak, El Diario egunkariak jakinarazi duenez.
ELAk astearte honetan aurkeztu duen 2018ko Laneko Ezbeharren Txostenak lan istripu bidezko heriotzen areagotzea azpimarratu du. Datuok ez datoz bat Osalan eta Noploik emandakoekin.
Ikusezin zaigun izebergaren zatia azaleratzeari ekin dio Eragin Bilbo mugimenduak. Gazteen ikuspegitik, instituzioek ezarritako politikek sortzen dituzten albo-kalteen berri emateari, hain zuzen. Hiriburu bizkaitarra ardatz hartuta jendartean kontzientzia garatu nahi du Eraginek, Bilboren alde prekarioa ere postaletan ager dadin.
2015ean sortu zen Glovo. Garraio enpresa bat da. Haren berezitasuna da edozein motatako gauzak ordubete baino lehenago banatzen dituztela bizikletaz nagusiki mugitzen diren langileek. Hasiera-hasieratik mundu osoan barreiatzeari ekin dio, eta hain azkarra izan da hedapena ezen oraindik ezin izan dugun behar bezala aztertu gure bizitzetan izan duen eragina. Enpresak darabiltzan negozio eredua eta marketin estrategia AEBetako Silicon Valley-n beste erraldoi teknologikoek garatu eta perfekzionatu... [+]
Bilboko portuko Ibaizabal 8 atoiontziko makinen burua hilda aurkitu zuten bere lanpostuan joan den igandean. 40 ordu zeramatzan jarraian lanean.
Egoera ekonomikoan eta enpleguaren kalitatean ez bada funtsezko aldaketa bat gertatzen, egungo gazteria pobrezia eta bazterkeria sozialean eroriko da seguru. Azkenaldian Espainiako Estatuan agertu diren estatistika eta ikerketek hala diote. Tamalez, ez ditugu Hego Euskal Herriko egoerari buruzko datu zehatzak.
Bilbon antolatu genuen mahainguruan zaintzari lotutako lau sektore prekarizatu feminizatuetako langileek hartu zuten hitza: Arantza Arrien baserritarra, Silvia Rivas etxeko langilea, Soraya Garcia zaharren egoitzako langilea eta Elena Vasconez hoteletako garbitzailea. Bakoitzak bere sektoreko egoeraz eta borrokaz hitz egin zuen. Hemen duzue laburpen bideoa.
