Gipuzkoako Elizaren ondasun higiezinak hotel bihurtuko dira
Donostiako Udalak obra-lizentzia onartu berri dio Munilla apezpikuari. Egoitza nagusiarekin eta Idatz kristau liburu-dendarekin hasiko dira momentuz, eta ikusteke dago gainerakoak ere apartamentu egingo dituzten ala ez. Gipuzkoako Elizako kide asko ez datoz bat erabakiarekin.
Uztailaren 17an eginiko Euskadiko apaizen bilkuran atera zuen gaia Jose Ignacio Munilla apezpiku donostiarrak, “diruz larri dabiltzan parrokiei laguntza eman ahal izateko” zela argudiatuz. Gehiengoa desados egonda ere, aurrera ekin zitzaion Gipuzkoako Elizaren ondasun higiezinak hotel edo apartamentu bihurtzeari.
Asteartean onartu du Donostiako Udalak Munillak egindako eskaera, eta obrak egiteko lizentzia eman diote. Gipuzkoako Elizaren egoitza nagusiak, Donostiako Zabaleta kaleko 5. zenbakian dagoenak, zazpi pisu ditu orotara, eta eraikuntza osoa erabiliko dute apartamentuentzat; denera 26 izango ditu. Bestalde, Urdaneta kalean dagoen Idatz kristau liburu-dendaren eraikuntza osoa ere turismoarentzako bideratuko da. Ez da Munillak berriki egindako ondasunen salmenta bakarra. Orain gutxi Intxaurrondoko parrokia ere saldu zuen, baina hori zaharren egoitza bihurtu zen. Antza, Familia Sakratuaren eliza ere horretara bideratzekotan da.
“Ebanjelioaren aurka doa”
Gogor azaldu da Munillaren erabakiaren aurkako oposizioa. “Autofinantzazioan” oinarritu arren, “zehaztasunik eman gabeko” jarduera dela azaldu du Olaetxea bikarioak, uztailean eginiko bilkuran ez baitzen ez kostuaz ezta errentagarritasunaz ere hitz egin. Gainera, salatu du horrelako ekintza baten berri uztailean ematea –Elizako kide gehienak oporretan daude– “bidegabea” dela.
Gipuzkoako Elizaren komunitateak “etsipenez” hartu du Munillak hartutako erabakia, Noticias de Gipuzkoa-k jaso duenez. “Ebangelioaren” eta “elizbarrutiaren” aurkako jarrera bat dela salatu dute, eta “planifikatuta” zegoela.
“Elizbarrutiari bizkarka, ez”
Sinadura bilketa bat abiatu zuten aurtengo udaberrian Elizbarrutiari bizkarka, ez! lelopean, Munilla apezpikuaren jarduna salatzeko. Gipuzkoako Elizaren ondasun higiezinak salduko zirela ez zekiten oraindik, baina milaka sinadura bildu zituzten apaizen eta agente pastoralen artean. Momentuko egoeraz Munillak argi ez hitz egitea ez zuten onartzen, eta “zurikeriatan” ibiltzen zela ere salatu zuten.
Mainz (Alemania), 1454. Johannes Gutenbergek eskala handian inprimatutako lehen liburua argitaratu zuen, Berrogeita bi lerroko Biblia izenez ezagutzen dena. Gutenbergek ez zuen inprenta asmatu; dakigula, Txinan, 1040an, Bi Shengek asmatu zuen inprimatzeko lehen makina... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Espainiako Abokatu Kristauen Fundazioak Bilboko artista salatu du arrazoi beragatik, “eskarnio delitua” egin duela argudiatuta. EHZk barkamena eskatu die artistaren emanaldiak mindu dituenei, baina egoera gorrotoa sustatzeko baliatu dutenengandik “urrun”... [+]
Mariano Fazio apaiza, Opus Deiren buru izateko oinordekoen zerrendan lehena, lau hamardaketan zehar gutxienez 43 emakume esplotatu dituen sare baten parte zela ondorioztatu dute PROTEX Argentinako Pertsonen Salerosketaren aurkako Prokuradoretza eta Argentinako auzitegi batek... [+]
Donostiarra, defenda ezazu zurea leloarekin pankarta bat jarri dute, Jesusen Bihotza duen Espainiako bandera batekin batera.
Ziburuko Azokaren kari, Azokaroan aurkezturiko Gizatasun arrantzale (Euskaltzaleen Biltzarra) liburua esku artean hartuta, itsasoan –apez bezainbat arrantzale gisa– eramandako biziaz aritzea zuen xede kazetariak. Baina Maiatz argitaletxeak plazaratu berri duen Atxik... [+]
Erromako San Giovanni in Laterano plazan, errutinazko indusketa bat egiten ari zirela, arkeologoek IX.-XIII. mendeetako jauregi baten arrastoak topatu dituzte ezustean. Eta garai hartako aita santuen bizitokia izan litekeela uste dute. Bestela esanda, baliteke Patriarkatua... [+]
"Bake zubiak eraikitzeko laguntza" eskatu dio jendeari balkoitik egin duen lehen agerraldian.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
88 urterekin hil da Frantzisko aita santua astelehen goizean, iktus baten ondorioz. Azken boladan osasun arazoak izan zituen. Miñan liburua gomendatu zuen publikoki, migratzaileen egoera kontatzen delako.
Iruñeko artzapezpiku Florencio Rosello eta Tuterako gotzain Joseba Segura Nafarroako Elizak immatrikulatutako ondasunak itzultzeko prest azaldu dira epaitegiek hala aginduz gero, baina inmatrikulazioak legezkoak izan direla defendatu dute.
Frantziskok "Franciscomanía" zeinuarekin hasi zuen bere Aitasantutza. Fenomeno soziologiko horri esker, Vatikanoko boterearen zirrikituak aldez aurretik ezagutzen ez zituen gaztetasunaren ikono eta Elizako aldaketa-haizeen intsuflatzaile bihurtu zen.
Era berean,... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.