Gipuzkoako Aldundia eta hiru zahar etxeren enpresa kudeatzaileak auzitara eramango ditu ELAk

  • Langileen “osasuna, bizitza eta osotasun fisikorako eskubidea” babestu nahi dituela adierazi du sindikatuak. Gipuzkoako hainbat zahar etxetako egoera “dramatikoa” dela dio, eta Osakidetzaren esku hartzea eskatu du.


2020ko apirilaren 13an - 16:01
Tolosako Iurreamendi zahar egoitza. Argazkia: Euskadi.eus.

Tolosako Iurreamendi, Zumarragako Argixao eta Ordiziako San Jose zahar etxeetako langileen lan-baldintzen egoera salatuko du ELAk. Zu eta Biok S. Coop, Gerozerlan eta Eulen Soziosanitario enpresak dira egoitzak kudeatzen dituztenak, azpikontratan, eta titularra Gipuzkoako Aldundia da. Apirilaren 14an erregistratuko ditu hiru demandak sindikatuak, lan-arloko epaitegian.

“Langileen osasuna, bizitza eta osotasun fisikorako eskubidea babesteko” eskatuko dio epaitegiari ELAk, eta hori betetzen ez duten egun bakoitzeko isuna ezartzea enpresei. “Sindikatuak behin eta berriz eskatu arren, zahar etxeetako langileek ez dute norbera babesteko ekipamendu osorik, eta erabiltzaile guztiei testak egiten zaizkien egoitzak salbuespena dira oraindik ere”. Hainbat kautelazko neurri ere eskatuko dituzte demandetan: langile bakoitzarentzako babes neurri homologatuak eta guztiei testak egitea, besteak beste. Aipatu hiru zahar etxeez gain hurrengo astean gehiagoren aurkako demandak aurkeztuko dituela jakinarazi du sindikatuak, beste herrialde batzuetan.

Osakidetzaren esku hartzea egoera “dramatikoaren” aurrean

Koronabirusaren kutsadura maila zahar etxeetan “kritikoa” dela dio ELAk, eta hori dela eta, Osakidetzaren “esku-hartze urgentea eta integrala” eskatu du. “Tolosako Iurreamendi, Ordiziako San Jose edo Arrasateko Iturbide zahar etxeetan, Covid-19aren erabiltzaile positiboak %80raino iritsi dira, eta kutsatuta edo bajan dauden langileak lantaldearen heren bat dira. Aldundiaren datuen arabera, Gipuzkoako zahar etxeetan hildakoak 90 baino gehiago dira dagoeneko; Gipuzkoan Covid-19ak hildakoen %70 zahar etxeetan eman dira”.

 

 

 

 


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude