Gobernantzako eta Gizartearekiko Komunikazioko diputatu Imanol Lasaren hitzetan, "foru zerbitzu juridikoek gogor egingo die aurre anonimatuaz baliatuta Aldundiko langileen eta kargudunen kontra zabaltzen diren difamazio eta gezurrei". Horregatik, Aldundiak fiskaltzari helaraziko dizkio Interneteko foro eta guneetan foru ordezkariak "larriki difamatzen eta kalumniatzen dituzten" kasuak, eta salaketa aurkeztu ere egingo du halako jarrerak modu mingarrian errepikatzen direnean.

Lasak aditzera eman duenez, sare sozialetako zenbait kontu ixteko agindu du fiskalak, gehienak anonimoak: "Anonimotasunean babestuta aldundiko langile eta goi karguak delitu oso larriak egiteaz akusatzen dituzten kasuak ikusten ari gara azkenaldian".