Getxon ertzainek jipoitu zuten emakume boliviarraren kasua epaitegietan oztopatzen ari direla salatu dute
2018an Silvia legez kanpo atxilotu eta erasotu zuen Ertzaintzak Getxon. Hiru urte geroago, justiziak prozesu judizialean trabak besterik jarri ez dituela salatu du SOS Arrazakeria Bizkaiak, eta prozesua azkartzeko eskatu du.
aurre egingo dieten hedabide independenteak
2018ko maiatzaren 26an Silvia izeneko emakume boliviar batek legez kanpo atxilotu eta eraso bortitza jaso zuen Getxoko (Bizkaia) ertzain-etxean.
SOS Arrazakeriak ohar baten bidez gertatutakoa azaldu du: Silvia Algortako supermerkatu baten atarian bere bikotekidea itxaroten ari zen, bi ertzainek etxegabe bat modu desegokian tratatzen ari zela ikusi zuenean. Silvia haiengana gerturatu eta zer gertatzen ari zen galdetu zienean, agente batek gogor bultzatu eta lurrera bota zuen "bere herrialdera" itzul zedin oihukatzen zion bitartean. Bikotekidea dendatik atera zenean, agenteek esan zioten atxilotu egingo zutela. Silvia hormaren kontra jarri eta eskuburdinak jarri zizkioten.
Ez zioten bikotearengana gerturatzen utzi eta zuzenean, Algortako komisaldegira eraman zuten. Han, kartera miatu zioten eta azalpenak eskatu zituen arren, ez zuen erantzunik jaso. Ziegara eramaten ari ziren bitartean agente batek bost aldiz bortizki jo zuen. Hurrengo egunera arte asistentziarik gabe izan zuten ziegan.
Silviak gertatutakoa salatu zuen, baina hiru urte hauetan justiziak trabak besterik jarri ez dituela salatu du elkarteak. Gainera, jakitera eman dutenez, erresistentzia, autoritatearen aurkako bi atentatu eta beste bi lesio-delitu leporatu dizkiote Silviari. Inplikatutako agenteetako bati bakarrik mantendu diote akusazioa, lesio-delitu arin bat egotzita.
Elkartearen ustez, "horrelako gertaerak ez dira kasu isolatuak" eta antzeko gertaera ugari egon dira. Horregatik, erakunde publikoei eta arduradun politikoei neurriak hartzeko eskatu diete. Gainera, "salatzailea faltsuki salatzeko praktika" ere askotan errepikatzen dela gogoratu dute eta kasu honetan, biktima ikusezin bihurtu eta kriminalizatu dutela azpimarratu dute: Silviari 10 urteko kartzela zigorra ekar diezaioke.
Azkenik, "geldoa den justiziak justizia izateari uzten diola" uste dute, izan ere, hiru urtetan judizialki egin den gauza bakarra prozesua oztopatzea izan da eta "azterapenak ziurgabetasuna eta beldurra eragin dizkio Silviari". Gertutakoa erakusten duen bideo bat egon arren, "Silviari egindako akusazioaren aurrean agente bati bakarrik egotzi zaio lesio-delitu arin bat", salatu dute.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.