Getxo Irratiaren programazioa sustatu edo hura ixteko eskatuko du PPk
PPk mozio bat aurkeztu du Getxo Irratiaren geroaz, datorren osoko bilkuran eztabaidatzeko. Gaur egun aurrez programatutako musika baino ematen ez duela eta, bestelako saioak ere egin edo itxi dadila eskatuko dute popularrek, aspaldiko aldarrikapen bati eutsiz.
"Udal-irratiaren gaur egungo programazioa aurrez programatutako musika baino ez da", adierazi du PPk, "eta errealitate negargarri hori ez dator bat Getxoren tamainako udal bategaz; askoz programazio handinahiagoa eskaini beharko litzateke". Getxoko Udalaren webgunean bilatuz gero, Getxo Irratiak goizez Egun On Getxo! izeneko albistegi bat ematen duela ikus daiteke. Haatik, astean asteko saioen estekek ez dute jarraibiderik.
Informaziorik gabeko programaziorik ezean onena irratia ixtea litzatekeela uste du PPk; horregatik, udal-gobernuak Getxo Irratiari bultzada ematea baztertuko balu hura bertan behera uztea eskatuko lukete, "mantentzeak dakarren kostu handia dela eta".
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.