Bultza kazetaritza independentea
Urtarrilaren 27an izango da Plazara!ren aurtengo lehenengo saioa Arrano tabernan, 18:30ean hasita.
Bertsolari gazteen Plazara! zirkuituaren hirugarren edizioa ere badator. Saioak urtarrila eta maiatza bitartean izango dira Bizkaia osoan zehar, hilean behin. Helburu nagusi bi ditu ekimenak, alde batetik, bertsolari gazteen plazaratzean eragitea da eta, bestetik, beraien arteko saretzea eta talde izaera indartzea. Parte hartzaileak eurak izango dira antolatzaileak, gainera.
Urtarrileko saioa: Gernika-Lumo
Barikuan abiatuko da aurtengo Plazara! Gernika-Lumon. Saioa Arrano tabernan izango da 18:30ean. Bertsolariak Araitz Katarain, Beñat Bilbao, Maite Sarasola eta Enare Muniategi izango dira, eta gai-jartzailea Aitor Etxebarriazarraga.
Otsaileko saioa: Iurreta
Aste bi beranduago izango da hurrengo saioa, otsailaren 10ean Iurretako Abadetxean, 19:30ean. Iruri Altzerreka, Unai Foruria, Iker Garitagoitia, Irune Basagoiti eta Peru Irastorza izango dira bertsolariak eta Ander Elorriaga arituko da gai-jartzaile beharretan.
Gasteizko Errexala eta Katuko Muinoak taldeak eta Aramaioko Izena Pentsau Bida lehiatuko dira arratsaldean, baina goizetik hasiko dira giroa berotzen.
Arabako bertso Kuadrillarteko lehen finalaurrekoa burutu da Aguraingo Zabalarten. Aramaioko "Izena pentsau bida" eta Gasteizko "Bertxilika" taldeak izan dira lehian bertan. bertan. "Izena pentsau bida" gailendu da saioan, beraz Laudion, martxoaren... [+]
Arabako Bertso Kuadrilla arteko Txapelketako lehen finalaurrekoa burutuko da igandean, Aguraingo Zabalarten 18:30ean hasita. Bertan erabakiko da Laudioko finalean, martxoaren 25ean, izango den lehen talde finalista.
