Genero indarkeriaren erregistro publikoa sortzeari uko egin dio Eusko Legebiltzarrak
Genero indarkeriaren erregistro publikoa sortzeko legez besteko proposamena egin du EH Bilduk Eusko Legebiltzarrean. Auziari aurre egiteko politikak lantzerako orduan, balizko oinarri bat izatea litzateke xedea. Legebiltzarkideek atzera bota dute proposamena, EAJren, PSE-EEren eta PPren aurkako botoekin.
EH Bilduko kide Diana Urreak azaldu du proposamena. Haren aburuz, genero indarkeriari buruzko datuak barnebiltzen dituen datu-base eguneratu baten beharra du EAEk, “diagnostiko errealetan” oinarrituriko politikak bultzatzeko. Urrearen esanetan, gainera, erregistro hori baliagarri litzateke genero indarkeria zer den zehaztu eta indarkeria mota ezberdinak bereizteko. “Gaiak lehentasun politikoa behar luke izan”, esan du.
EAEko erakundeek genero indarkeriaren inguruan duten ezjakintasuna deitoratu du Urreak. Haren esanetan, gaia epaitzen duten epaileak ez dira genero indarkerian adituak eta Ertzaintzak ez du gisako kasuak tratatzeko behar besteko formaziorik. Ertzaintzak biktimei eskaintzen dizkien bermeak ere kritikatu ditu: “Genero indarkerian espezializaturiko ertzainek soilik astelehenetik ostiralera egiten dute lan; salaketa epe horretatik kanpo jarri nahi duen emakumeak ez du dagokion tratua jasoko”.
Gainerako alderdiek ez dute legez besteko proposamena babestu. UPyD abstenitu egin da. Alderdia ados dago erregistro publikoa sortzeko beharrarekin, baina haren ustez harago joan behar luke proposamenak. “Instituzioen arteko elkarlana bultzatu behar da, ez baita soilik EAEko arazoa”, azaldu du Gorka Maneiro UPyDko bozeramaileak.
EAJk, PPk eta PSE-EEk proposamenaren aurka bozkatu dute. EAJko kide Lexuri Arrizabalagak dio ez dagoela gisako erregistroa sortzeko beharrik, “genero indarkeriaren inguruko datuak egon badaudelako”. Bere aburuz, EH Bilduren eskakizuna asetzeko aski informazio eskaintzen du Emakundek.
PPk, bestalde, EH Bilduren proposamenaren “zehaztasun” falta kritikatu du: “Ez dut ulertzen zer proposatzen duzuen”. Gainera, ezbaian jarri du ekimenaren legalitatea, “pertsonen pribatutasuna” dela eta.
PSE-EEk ere proposamenaren aurka egin du. Azaldu du lege eraginkorren beharra dagoela genero indarkeriari aurre egiteko. Rosa Fresno PSE-EEko kidearen aburuz, “bide laburra” du iradokizunak.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana