Gehituk, Euskal Herriko lesbiana, gay, transexual eta bisexualen elkarteak, sexu-orientazioaren inguruko aurreiritziak oraindik badaudela salatu du LGTB Harrotasunaren Nazioarteko Egunean, eta horrek normatibo ez diren sexualitateak diskriminatzen dituela.
Gehituren esanetan, 2015ean 35 delituzko ekintza edo ekintza diskriminatzaile izan ziren EAEan sexu-orientazioaren inguruko aurreiritziengatik. Horregatik LGTBI kolektiboa gorroto erasoetatik babestuko duen legea aldarrikatu dute.
Transexualen kolektiboa oraindik patologiarekin lotzen dela salatu du elkarteak. Ez dago Espainiako Estatuan talde horren beharrak kontuan hartzen dituen legerik, ez hezkuntza ezta lan, osasun eta administrazio arloetan ere. Azpimarratu dute emakume eta gizonezko transexualek bizi duten errealitatearen inguruan informazio falta dagoela.
Hezkuntzari dagokionez, jarrera homofoboen irautea salatu dute, LGTBI ikasleen garapena kaltetu eta eskola-jazarpena bultzatzen baitu.
Emakumeak okerrago
Lesbianen egoera gizonezko homosexualena baino kaskarragoa dela gaineratu dute, ikusgarritasunari dagokionez, eremu publikoan ohikoagoa baita gizonezko homosexualak ikustea emakumezkoak baino.
Kirolari dagokionez, LGTBI kolektiboak tokirik ez duela salatu du Euskal Herriko lesbiana, gay, transexual eta bisexualen elkarteak, eta gogoratu du Espainiako Estatuko arbitro gay batek dimisioa eman zuela jasan zituen etengabeko irainengatik.
Gauzak horrela, hausnarketara bultzatu du Gehituk, azken urteetan bikote homosexualen inguruan onartu diren legeek berdintasun formala ekarri arren gizartean berdintasunaren gailentzea zalantzan baitago oraindik.
76 herrialde homosexualitatearen aurka
Arlo honetan aurrerapausoak eman badira ere, oraindik homosexualitatea 76 herrialdek zigortzen dute, Amnesty International erakundearen arabera. Gainera, heriotza zigorra indarrean dago Afganistanen, Iranen, Saudi Arabian, Mauritanian, Yemenen, Sudanen, Nigerian eta Somalian.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]