Gehitu kolektiboa:"Sexu eta genero aniztasunarekiko intoleranteak diren jarrerak bizirik daude"
Gaur da LGTBI Komunitatearen Nazioarteko Eguna eta manifestua atera du Gehituk horren harira.
Euskal Herriko lesbiana, gay, transexual eta bisexualen aldeko elkarteak azaldu duenez, “kolektiboko kideok beste behin bilduko gara eskubideak errebindikatzeko, aniztasunetik abiatuta bizikidetzaren alde egiteko”.
Ekai nerabe transexualaren suizidioa gogoan du kolektiboak, “bere erabakiarekin gizarte gisa ditugun hutsuneak agerian utzi zituen, baita gure gazteek LGTBI fobiarekiko duten kalteberatasun berezia ere”.
Sexu eta genero aniztasunarekiko intoleranteak diren jarrerak bizirik daudela salatu dute eta “marko heteronormatiboaz” bestelako sexualitateak diskriminatzen dituen aurreiritzi sexualak zein “trans kolektiboaren patologizazioak” ere badaudela.”Ekainaren 27an publikoki jakinarazi dugun bezala, Gipuzkoako Foru Aldundiarekin batera egingo dugu ikerketa bat, ezkutuan dauden hainbat errealitate ikusi eta bazterkeriak ezabatzeko.
“Ekainaren 28 honek beste aukera bat eskaintzen digu lorpenak ospatzeko eta oraindik lortu gabe dagoena nabarmentzeko” azaldu dute eta partikular zein erakundeei parte hartzeko eskatu die, arratsaldeko 19.30ean Donostiako Boulevarretik aterako den harrotasunaren manifestaldian.
Hiriburu gehiagotan egingo dira manifestazioak
-Bilbon: 19:30ean
-Gasteizen: 20:00etan, Andre Maria Zuriaren Plazatik abiatuta
-Iruñean: 19:00etan, Autobus geltoki zaharrean hasiko da
-Aretxabaletan: 19:30ean manifesta-akzioa, herriko plazatik
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Berdinen arteko ezkontza legeztatzen duen lehenengo herrialde kristau ortodoxoa da.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.