Gazan batasun gobernua berrezartzea adostu dute Hamasek eta Al Fatah-k
Akordioaren arabera, Palestinar Aginte Nazionalak mugak kontrolatuko ditu, Gazako Zerrendakoak barne. Elkartze politikoa adostu dute erabakiak hartzeko, baita Palestinako parlamentuak bere eginkizunei berriro ekitea ere. Negoziaketak Kairon izan dira, Egiptoren bitartekaritzarekin.
Segurtasun erakundeak eta erakunde zibilak bateratuko dituzte eta batzorde bat osatuko dute Gaza berreraikitzeko. Batzordearen eraketa “aurrerapauso bat da nazioarteko emaileek Palestinar Aginte Nazionala Gaza berreraikitzeko egiten ari den ahalegina ikus dezaten”, adierazi du Musa Abu Marzuk Hamaseko ordezkaritzako buruak.
Gazako funtzionarioen ordainketen arazoa konpondu dutela jakinarazi du Azam Al Ahmed Al Fatah-ko ordezkaritzako buruak: “Batasun gobernuak funtzionario guztiei soldatak ordainduko dizkie, denak palestinarrak direlako eta palestinar guztien gobernua delako”, adierazi dio Reuters agentziari.
“Palestinar Aginte Nazionalaren nazioarteko jarduera koordinatzea” adostu dutela gehitu du Al Ahmedek, “Palestina Nazio Batuen Erakundean sartzeko batez ere”.
.jpg)
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Astelehen gauean iragarri zuen antolakuntzak ontzidia apirilaren 24an, asteazkenez, itsasoratuko zela, baina gutxienez ostiralera arte atzeratu dute irteera.
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]
“Ez den herrian sortu ginen, eta geu ere, esan gabe, konprenitzen da ez garena garela”, Joseba Sarrionandia.
Askotan, nire buruari galdetzen diot zer gertatu ote zen Alemaniako jendarteak nazismoaren ondorioak ezagutu zituenean, hau da, horrelako komunitate... [+]