Gaza bonbardatzen segituko duela abisatu du Israelek
Abuztuaren 6az geroztik ia egunero dira Israelgo armadak bidalitako bonben azpian Gazakoak. Horrez gain, 2007az geroztik gauzaturiko blokeoa ere gogorturik du Israelek azken bi asteetan.
Israelek bidalitako bonben pean dira Gazako palestinarrak abuztuaren 6az geroztik eta horrek horrela segituko duela jakinarazi du Israelgo gobernuak abuztuaren 25 goiz honetan. Bonbak, suziri eta puxika lehergarriei erantzuteko; guztia nazioartearen isiltasun konplizeak lagundurik. Puxika lehergarriek suteak abiarazten dituzte Israeleko landa eremuetan, eta bonben bidez erantzuten diete erasoei. Bonbek berriz heriotza dakarte: azken bi asteetan hamarnaka dira bonbapean bizia galdu dutenak, azkenik Iyad Yamal al-Yidi, Muataz Amir al-Mubid, Yahya Fareed al-Mubid eta Yaqub Zaydieh Hamas taldeko militante gazteak.
4 #Hamas members were killed last night by an explosion in the #Gaza strip.
The explosion is allegedly caused by an #IDF drone strike. pic.twitter.com/mB6DZM9gMq
— Israel in the Field (@field_israel3) August 25, 2020
Hamas mugimendua du Israelgo armadak jomugan eta azken honek "gizadiaren kontrako krimentzat" jotzen ditu azken bonbardaketak zein blokeoak.
.jpeg)
Bonbardaketez gain, pasabideak ixtea erabaki zuen ere Israelek –elikagai eta erremedio bakar batzuk sartzen utziz, hala ere–. Hori horrela, erregaien inportazioa oztopaturik, ia elektrizitaterik gabe kausitzen dira palestinarrak –egunean lau orduz dute bakarrik argindarra–, Gazako zentral bakarrak lehengaiak eskas dituelako. 2007az geroztik dute Israelek inposatu blokeoa pairatzen eta are gogorrago bihurtu dute azken bi asteetan. Horrez gain, arrantza espazioa ere txikitu dio Israelek Gazari.
Hori aski ez balitz, koronabirusak kutsaturiko lehen kasuak agertu dira ere aste honetan Gazan. Hedapena mugatzeko asmoz, 48 orduko itxialdia ezarri du Hamasek.
Anartean, AEB Israelekin bildurik
Abuztuaren 24an egon zen Benjamin Netanyahu Israelgo lehen ministroarekin Mike Pompeo Ameriketako Estatu Batuetako idazkaria. Ekialde Hurbilean aurreikusita duen bost eguneko bidaiaren lehen geldialdia izan zuen, Arabiar Emirerri Batuen eta Israelen arteko harremanen "normalizazioren" harira. Abuztuaren 13an izenpetu zuten akordioa eta Pompeok aurreratu duenez beste estatu batzuk ere bideratu dezakete Israelekiko harremanen "normalizazioa". Maroko, Sudan zein Bahraingo Erresuma aipatu ditu, besteak beste. Nola ez, palestinarren hitzetan "bizkarraren erdian jasotako labankada" da akordio hau. Izan Mahmud Abbas PAN Palestinako Aginte Nazionaleko presidenteak zein Hamas mugimenduak, palestinar guztiek dute akordio hau deitoratzen.
Akordioaren ondorioz, Israelek uko egin dio Netanyahuk iragarri zuen anexio planari –baina, «behin-behinean»–. Netanyahuk anexiorako egitasmoak mahai gainean jarraitzen duela nabarmendu zuen behin baino gehiagotan: plan horrek aurreikusten du Israelek Zisjordaniaren %40 ingururen gaineko subiranotasuna aldarrikatzea eta eskualde horretan eraikitako legez kanpoko kokaguneak legeztatzea.
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
109 elkartek adierazi berri dute, tartean Munduko Osasun Erakundeak edo Mugarik Gabeko Medikuek, Gazan gosete masiboa sufritzen ari direla, Israelgo Gobernuak hala erabakita. Bi milioi lagunen kontra gosea arma gisa erabiltzen ari dira, etekin politikoak lortu asmoz. 2025ean,... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]
Yinon Levi izeneko kolonoak Odeh Hadalin aktibista hil du Zisjordania hegoaldean. 'No Other Land' dokumentala grabatzen lagundu zuen Hadalin, dokumental onenaren Oscar saria irabazi zuen martxoan. Kolono hiltzailea palestinar lurraldeak okupatzeagatik AEBetako zigor... [+]
The Lancet aldizkari ezagunak iazko uztailean eginiko "aurreikuspen zuhurraren" ondoren, zuzenean eta zeharka Gazan hilda egon daitezkeen palestinarren kopurua eguneratu du Steven Donziger abokatu entzutetsu estatubatuarrak, The Lancet-en formula... [+]
Nire gorputza erortzen ari da. Ama kolapsatzen ari da nekeak jota. Nire lehengusuak egunero jokatzen du bizitza laguntza pixka baten truke. Gazako haurrak gure begien aurrean hiltzen ari dira eta ezin diegu lagundu.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
"Pausa taktiko" gisa definitu ditu Israelek. Igandean hasi da eta 35 kamioi sartu dira Gazako zerrendara.
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]
Beasaingo enpresak 1.695 milioi euroko kontratua lortu du Belgikako SNCB-NMBS tren konpainia publikoarentzat 54.000 plaza dituzten bagoiak egiteko. Baina aurretik, belgikar konpainiak eskatu dio bere jarduerek nazioarteko zuzenbidea eta giza eskubideak errespetatzen dituztela... [+]