Gay eta lesbianak "sendatzeko" terapiak debekatzeko lege proposamena onartu du Frantziako Kongresuak

  • “Terapia” horiek egiten dituztenek bi urteko kartzela zigorra eta 30.000 euroko isuna jaso ditzakete. Lege proposamena Senatuak onartu behar du orain.


2021eko urriaren 06an - 10:03
Azken eguneraketa: 12:09
Frantzian debekatu egingo dute gay eta lesbianak "sendatzeko" hipnosia, exorzismoa eta abstinentzia erabiltzea.

Frantzian gay eta lesbianak "sendatzeko" terapiak delitu izatetik gertuago daude: bart onartu zuten Kongresuan lege proposamena, aho batez. Arau horren arabera, zigortu egingo dira LGTB pertsonak "aldatzeko" erabiltzen diren "terapiak", besteak beste, hipnosia, exorzismoa, abstinentzia, hormona bidezko tratamenduak, eta behartutako ezkontza heterosexualak. Delitugileek bi urteko kartzela zigorra eta 30.000 eurora arteko isuna ordaindu beharko dute; lege-haustea berriz eginez gero, hiru urteko kartzela zigorra eta 45.000 eurora arteko isuna izan dezakete. Orain, Senatuak onartu beharko du legea.

Gaur egun badaude beste bide batzuk "terapia" horiek salatzeko, hala nola medikuntzaren legez kanpoko erabilera, bazterketa, jazarpena eta bortxa leporatuta. Dena dela, uste dute beharrezkoa dela arau-hauste zehatz bat sortzea, egoera eta kasu bakoitza hobeto aztertu ahal izateko eta biktimei laguntza zabalagoa emateko.

Elisabeth Moreno Frantziako Berdintasun ministroak gogorarazi du legearen helburua "bizitzak salbatzea" dela: "Ez da ezer sendatu behar. Norbera izatea ez da delitua, ezin dugu saiatu pertsonen identitate edota orientazio sexuala aldatzen". Le Refuge homofobiaren biktimen artan espezializatutako erakundeak parlamentariei ohartarazi die gai horren inguruko hamar bat dei jasotzen dituztela hilabetean.


Kanal honetatik interesatuko zaizu: LGTB mugimendua
Bizipoza: aniztasun funtzionala, kulturala eta sexuala bistaratzen eta lantzen

Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]


LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Sexu bereko pertsonen arteko ezkontza onartu du Greziak

Berdinen arteko ezkontza legeztatzen duen lehenengo herrialde kristau ortodoxoa da.


2024-02-13 | Leire Artola Arin
Trans legea onartu eta urtebetera, 227 pertsonak egin dute aldaketa EAEko erregistroan

Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.


Tefia, homosexualak zigortzeko eremua

Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]


Eguneraketa berriak daude