2006tik, %10eko eros ahalmena galdu dutela salatu dute udal langileek. Gasteizko Udaleko langileek itxialdi mugagabeari ekin zioten astelehenean, lan hitzarmenaren defentsan.
Protesta San Martin auzoko bulegoetan egiten ari dira, txandaka; 8:00etatik 15:00etara, 15:00etatik 22:00etara eta 22:00etatik 08:00etara. Langileen batzordeak deitu duen itxialdi honekin, murrizketen eraginez, %10eko eros ahalmena galdu dutela salatu nahi dute, eta horren aurrean, "udalak soilik %1eko igoera eskaintzen digula". "2006tik ez dugu soldataren igoerarik izan, eros ahalmenaren %10 galduz".
Hala, argi dute udal gobernuaren eskaintza ez dela nahikoa. "Benetan enplegua eta behin behinekoen egoera egonkortzen duen langileentzako eskaintza publikoa eskatzen dugu", adierazi du langileen batzordeak.
Pasa den astean, Urtaran alkateari egoera "desblokeatzeko" bilera eskatu zuela gaineratu du ELA, LAB, CC OO, CSIF, Erne eta Sipla sindikatuek osatutako langileek batzordeak.
Langileek eskatzen dituzten baldintza horiek ematen ez diren bitartean, gatazkan jarraituko dutela ohartazi dute. Horrela, atzo abiatu zuten itxialdiarekin jarraituko dute, eta elkarretaratzeak egingo dituzte egunero, Plaza Berrian, 12:00etan; eta EAJren Andre Maria Zuriaren plazako egoitzaren aurrean, 18:00etan.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Kulturgune euskaltzalea martxan jartzeko eskaera bikoitza egin nahi du Lazarraga Kultur Elkarteak. Izaskun Arrue Kulturguneak oraindik ezin ditu bere ateak ireki, urte eta erdi pasa ondoren publikoki irekitzeko moduan zegoela adierazi zenetik.
Astelehen iluntzean ibili da 23. Korrika Gasteizko kaleetan zehar, eta euskaltzaleek hiria aldarriz bete dute. Bertan izan da Natasha Rueda ere, eta prestaketa lanetan zebilela hitz egin dugu berarekin. Kolonbiarra jatorriz, Gasteizen bizi da duela 25 urtetik; Korrika pasa dela... [+]
David Rodriguez bozeramaileak ohartarazi duenez, jarduerak “eragin larria izango du Salburuako hezeguneetan, bertako floran eta faunan”.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.