Gasteizko Txosnen herri bazkaria debekatu nahi du Udalak

  • Gorka Urtaran alkateak ohartarazi du Udalak ez duela Gasteizko Txosnen herri bazkaria egiteko baimenik emango, gainerako jarduerak egin ahal izango badituzte ere.

Artikulu hau CC BY-SA 3.0 lizentziari esker ekarri dugu.

2021eko abuztuaren 02an - 07:12
Azken eguneraketa: 09:16
Gasteizko Txosnek Entxosnazio Eguna antolatuko dute abuztuaren 5ean. / Arg: @entxosnatu

Atzo, ostegunean, Gasteizko Txosnek iragarri zuten abuztuaren 5ean Entxosnazio Eguna antolatuko dutela. Aurtengo jaietan txosnak jarriko ez badituzte ere, egun osoko egitaraua antolatu dute Alde Zaharrean zein hiriaren erdialdean, hainbat jarduerarekin: besteak beste, herri azoka, erakusketa, umeen txokoa, herri bazkaria eta manifestazioa.

Hala ere, Gasteiz Hoy hedabideak argitaratu duenez, ostiral honetako prentsaurrekoan, Gorka Urtaran alkateak ziurtatu du Gasteizko Udalak ez diela baimenik emango herri bazkaria egiteko; bai, ordea, gainerako jardueretarako. "Programako zenbait jarduera ezin dira egin; esate baterako, herri bazkaria. Beraiek ezagutzen dute debekua, eta hala ere herri bazkarirako baimena eskatu dute", adierazi du Urtaranek.

Egitaraua

ALEA txosna batzordeko kideekin harremanetan jarri da. Oraingoz debekuaren inguruko balorazio publikorik egin ez duten arren, egoera aztertzen ari dira eta datozen egunetan jakinaraziko dute horren gaineko erabakia.

Nolanahi ere, abuztuaren 5eko egitarauaren aurkezpenean, Gasteizko Txosnek azpimarratu zuten krisialdiari "modu kolektiboan erantzutea" lehentasuna dela haientzat, eta "guztion osasuna eta zaintza erdigunean" jarri nahi dutela. Ohiko formatua albo batera utzi behar izan badute ere, aurtengo jaietan "kaleak hartzeko" deia egin dute.

Honako hauek dira antolatutako jarduerak:

  • 10:00: herri azoka Burullerias plazan eta Gasteizko Txosnen 40 urteen inguruko erakusketa Etxauri plazan.
  • 11:00etatik aurrera: umeen txokoa Martin Ttipia plazan; margoketak 11:00etatik aurrera eta 12:00etan ipuin kontalaria.
  • 18:30: manifestazioa Artium museotik abiatuta.

Une honetan zalantzan dagoen arren (txosna batzordeak erabakia jakinarazi arte), 14:00etan herri bazkaria egitekoa zen Herrandarren kaleko Agroespacean (Zelai Beltzak bezala ezaguna), sei pertsonako mahaiak jarrita.


Kanal honetatik interesatuko zaizu: Gasteizko Jaiak
Bi eraso homofobo salatu dituzte Gasteizko jaietan

Gorka Urtaran hiriko alkateak adierazi duenez bultzadak eta irain homofoboak salatu dituzte. Pertsona batek salaketa jarri du.


2022-08-03 | ARGIA
Mobilizazioak deitu ditu Itaiak "ziztadarik ez! erasoen aurrean babesa antolatu" lelopean

Emakume sozialisten Itaia antolakundeak ziztaden aurkako mobilizazioak deitu ditu –Gasteizen 3an, Donostian 13an eta Bilbon 19an– eta horrekin batera, eraso mota honi buruz egiten duen irakurketa plazaratu du. Azpian osorik irakurgai.


2022-08-02 | Hala Bedi
Buru belarri lanean, Gasteizko Txosnak abuztuaren 4an irekitzeko

Agerraldia egin dute Txosna Batzordeko kideek, hiru urteren ostean txosnaguneari ongi etorria emateko. Iragarri dutenez, Mirentxin Gidariak kolektiboari emango diote aurtengo txosnisaria.


Mugimendu Sozialistak Gasteizen txosna jartzeko eskubidea duela aldarrikatu du herritar talde batek

Jaietan txosna jartzea debekatu dietela salatu zuten otsailean eta orain txosnak hiriko beste leku batean jartzeko baimen berezia eskatu dute. Manifestuan Gasteizko Udalari baimena onartzeko eskaria egin diote.


2022-06-06 | Hala Bedi
Gasteizko Txosnetako kontzertuak: Tatxers, Sara Hebe, Zetak eta beste asko

Abuztuaren 4a eta 9a bitartean ospatzen dira Gasteizko jaiak. Aurten, pandemiak eragindako bi urteko geldialdiaren ostean, txosnak egongo dira berriro ere Gasteizko Campusean, jai herrikoi eta herri mugimenduarentzako bultzada.


Eguneraketa berriak daude