ARGIA.eus

2020ko ekainaren 06a

Gasteizko San Martin auzoko EAGaren itxieraren kontrako protesta gehiago

  • Pentsionistak, auzokideak eta Osakidetzako langileak batu ziren astelehenean Gasteizko San Martin auzoko EAGaren (Etengabeko Arretako Gunea) berrirekiera eskatzeko, auzo honetako anbulatorioan. Mobilizazio gehiago deitu dituzte.

Arabako Alea @ArabakoALEA
2019ko azaroaren 05a
Albiste hau Arabako Aleak argitaratu du eta Creative Commons BY-SA 3.0 lizentziari esker ekarri dugu.
Pentsionistak, auzokideak eta langileak EAGaren berrirekiera eskatzeko (Argazkia: Alea)

Udan itxi zituen ateak San Martingo EAGak, eta behin betiko bihurtu den itxiera honek Olagibeleko anbulatoriora edo Txagorritxu eta Santiagoko larrialdi zerbitzuetara jo beharko duten "auzokideen osasun arreta kaltetuko" duela salatu dute. Izan ere, egoerak hiru guneak dagoeneko gainezkatu dituela ohartarazi dute.

Itxiera "arretaren eta langileen kontrako ezkutuko murrizketa" bat dela salatu dute sindikatuek. Aldi berean, EAGaren berehalako irekiera exijitu dute, langile kopuru berdina mantenduz.

Gainera, Patxi Nicolau ESK sindikatuko bozeramaileak ohartarazi du egoerak "okerrera" egingo duela datozen asteetan, gripearekin.

Nicolauk San Martin, Gasteiz Txiki, Zabalgana edo Judimendiko auzo elkarteek emandako babesa azpimarratu du, baita "kezkatuta" dauden herritarrek emandakoa ere, "zuzeneko murrizketa" dela eta.

Salatu dutenez, Osakidetzak ez du zerbitzu hori berreskuratzea aurreikusten eta Gasteizko etengabeko arretako bi puntuen bateratzean eta berrantolaketan justifikatzen du itxiera. Bitartean, Etengabeko Arreta Guneen beharrak betetzeko profesionalak badaudela defendatu dute.

Hurrengo mobilizazioa datorren astelehenean, azaroaren 11n, izango da, 18.00etan Olagibeleko anbulatorioan.

Albiste hau Arabako Aleak argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Osasuna  |  Gasteiz  |  Osakidetza

Osasuna kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude