Gasteizko jaietako gune alternatiboen gida praktikoa

  • Txosnak, Gaztetxea, Mugimendu Feminista, euskal preso eta iheslarien etxeratzearen aldeko mobilizazioak, Hala Bediren urteurrena, GEU, Errekaleor, Gazte Karpa… Egitarau ofizialetik haratago dozenaka aukera egongo dira Gasteizko jaietaz modu alternatibo batean gozatzeko. Aukera ezberdinak bildu ditugu, eragile ezberdinen egitarauak, proposamenak eta protokoloak bilduz.

Hala Bedi @halabedi
2018ko abuztuaren 01a
Txosna Batzordea

Aurten, aspaldi iragarri bezala, abuztuaren 3an, ostiralean, irekiko dira txosnak. Ostiralero Andra Maria Zuriaren plazan egiten den elkarretaratzetik abiatuko da kalejira txosnagunera; bertan, irekiera ekitaldian, OkupaTUGasteiz dinamikak jasoko du Txosnisaria. Hala ere, irekiera ekitaldi honen aurretik ere irekita egongo da Gasteizko Kanpuseko txosnagunea; Gazte Karpan kontzertuak egongo dira 17:00etatik.

Entxosnazio Eguna abuztuaren 6an, astelehenean, izango da. Hala ere, egunero kontzertuak, bazkariak eta aurreko urteetan baino eskaintza zabalagoa egongo da: txosna eta karpa ezberdinek afariak emango dituzte. Ekologismoaren aldeko apustua egin dute txosnek eta aurten ere Goiener enpresak hornituko du energiaz txosnagunea. Gainera, ohikoa den legez, birziklatu daitezkeen edalontziak erabiliko dituzte. Bestalde, aurten ere Herri Denda egongo da karpa nagusiaren alboan, eragile ezberdinetako materiala eskuratzeko aukera izanez. AiLaket!-ek ere postua jarriko du eta edozein substantzia bertan aztertzeko aukera egongo da.

Mugimendu Feminista

Txosna jarriko duen beste eragileetako bat Mugimendu Feminista izango da. Baina txosna jartzeaz gain, abuztuaren 8an Egun Feminista egingo dute Txosnagunean bertan: bazkaria, ekitaldia, pantojismo tailerra… Gasteizko Mugimendu Feministak eraso sexisten aurkako protokoloa aurkeztearekin batera, autodefentsa feministarako deia egin zuen. Izan ere,  Gasteizko Txosnekin, GEU elkartearekin eta hainbat tabernekin elkarbanatutako protokoloa da landutakoa, 24 orduz salaketetarako telefonoa eskuragai izango duena: 688 74 44 11.

 
 
 
 
 
 
 
 
 
 
 
 
 
 
 
 
 
 
 
Gaztetxea

Muinoko etxeak larunbatean irekiko ditu ateak, Zeledonen jaitsierarekin batera. Apustu lokala egingo dute aurten eta bertako taldeek eta DJ-ak egongo dira larunbatetik asteazkenera etxeak 30 urte betetzen dituen honetan. Abuztuaren 9an, berriz, atsedena: Gaztetxea itxita egongo da jaietako azken egunean.

Gazte Karpa

‘Gazteongandik Gazteontzako’ izango da aurtengo Gazte Karparen leloa. Abuztuaren 3an 17:00etatik egongo dira ekintzak karpan, baina abuztuaren 7a izango da egunik handiena: Gazte Eguna. Bitartean, hamaika ekimen: Aldakan Beltz, mikro irekia, Tinko, pantojismo tailerra, Árida, umeen txokoa, Tara, Mindre Folklore, Ane Guria… Tinko taldeak egindako bideoklipa ikusteko sakatu hemen.

Errekaleor

Bigarren urtez txosna jarriko du Errekaleor Bizirik! eragileak Gasteizko Kanpusean. hamar egunez auzoa auzolan erraldoi batekin margotzen egon ostean irekiko dute txosna. Baina ez dira poteak zerbitzatzera mugatuko; izan ere, ekimen ezberdinak antolatu dituzte egun guztietan, bingo musikatutik hasita haurrentzako txokora arte.

Hala Bedi

35 urte beteko ditu Hala Bedik Gasteizko jaien erdian, abuztuaren 6an. Hori dela eta, Gazte Karparen alboan txosna bat jartzeaz gain, urteurrenaren egunean bost urtetik behin antolatzen duen farolen prozesioa egingo dute Hala Bedi tabernatik hasita 20:30ean. Momentuz, pista gutxi, irrati barruan ere: Mostoleseko elektrotxaranga batek gidatuko du prozesioa Txosnagunera arte, besterik ez. Bestalde, Hala Bedi Taberna irekita egongo da egunero eta bazkaltzeko aukera eskainiko dute bertan.

GEU

GEU Elkartea Gasteizko jaiei ongi etorria ematen lehena izango da: Aihotz plazan euskara edateko aukera egongo da abuztuaren 2tik 3ra bitartean. Lehenengo egunean, irekiera ekitaldiarekin batera, GEUre Saria banatuko dute. Gainontzeko orduetan, La Pulga, Euskaraldia, dantza plazan…

Preso eta iheslariak

Euskal preso eta iheslari politikoen eskubideen aldeko karpa txosnagunean egongo den arren, bi zita nagusi egongo dira abuztuaren 5ean, elkartasun egunean, urtez urte errotutakoak eta ohitura bilakatu direnak. Eguerdian bazkaria egingo dute Landatxon (tiketak jada salgai daude ohiko lekuetan) eta egun berdinean, arratsaldean, manifestazioa abiatuko da 20:30ean Txosnaguneraino. Bertan ekitaldia izango da, gaueko kontzertuei paso eman aurretik.

 

 

Albiste hau halabedi.eus-ek argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gasteizko Jaiak  |  Gasteiz  |  Errekaleor

Gasteizko Jaiak kanaletik interesatuko zaizu...
2018-08-06 | Arabako Alea
"Alde hemendik" oihuak entzun behar izan ditu Pablo Casadok Gasteizko jaietan

Alfonso Alonso eta Javier Marotok egin dute anfitrioi lana PPko presidenteak Gasteizko jaietako egun handian hiri erdigunetik egindako ibilaldian.


"Kirol kazetaritzan, emakumeok bigarren mailan utzi gaituzte"

Kirola eta irratia izan ditu aspaldiko bizilagun Olga Jimenez kazetariak, eta bereziki emakumeen zein desgaituen begietatik hurbildu da kirolaren errealitatera. Beste zazpi emakumerekin batera, kirolean ohikoak diren balioen beharra aldarrikatu du aurtengo Gasteizko jaietako pregoian, horiek bizitzarako tresna izan daitezkeelakoan.


Zeledon, bat baino gehiago

Zalduondoko Celedonio Alzola edo Bitorianoko Celedonio Iturrate; biak ala biak izan daitezke Gasteizko jaietako sinboloaren inspirazio iturria: gizonak, baserritarrak eta parrandazaleak.


2017-08-08 | Xalba Ramirez
"Postalen atzeko prekarietatea" borrokatzeko prest agertu da Ernai Gasteizen

500 lagun inguru batu dira astelehenean Gasteizen Ernaik deitutako manifestazioan. Azken egunetan hedabideek “turismoaren kontrako” gisa defnitu izanak ikusmira sortu du, bozeramaileek behin eta berriro gezurtatu duten arren.


2017-08-04 | Hala Bedi
Gasteizko Jaiak 2017, kontuan izateko bost puntu

Abuztuaren 4tik 9ra luzatuko diren jaietan Herri Mugimenduak izango du protagonismoa Txosnagunean. Gazte Mugimenduak, Mugimendu Feministak eta preso eta iheslarien etxeratzearen aldeko ekimenek ere indarra izango dute. Eraso sexistarik gabeko jaiak izateko mekanismoak egongo dira orduro.


Bost koadrila Gasteizko Blusen eta Nesken batzordetik irten dira zuzendaritzarekin desadostasunak direla eta

Bost koadrilak Gasteizko Blusen eta Nesken batzordea utzi dute. Egungo batzordearekin ordezkaturik ez sentitzearen ondorioz laga dute taldea, gutun batean azaldu dutenez. Bost koadrila horiei 1.500 euroko isuna jarri zitzaien abuztuaren 9an plazarako ohiko kalejira egiteagatik, egun hartan martxa batengatik aldatu baitzen eraso sexista baten ondorioz.


Eraso matxisten aurkako deiarekin piztu ditu Zeledonek Gasteizko jaiak

Lehertu da festa milaka lagunek betetako Andre Mari Zuriaren plazan.


2016-08-05 | Hala Bedi
Gasteizko jaietan autodefentsa feminista
MULTIMEDIA - erreportajea

Gasteizko mugimendu feministaren ekintza ikusgarria 2016ko txupinazoan. "Autodefentsa feminista!" zioen pankarta batekin eraso sexistei aurrea hartzeko deia egin dute.


Azkenak
EGILEA
Eguneraketa berriak daude