Gasteizen bi gizon atxilotu dituzte bikotekideei eraso egiteagatik

  • Astelehen goizaldean bikotekideari izterrean labankada bat emateagatik, hilketa saiakera leporatu diote 31 urteko gizon bati. Beste gizon bat ere atxilotu dute igande goizaldean.


2024ko martxoaren 11n - 16:42
Azken eguneraketa: 2024-03-12 09:57:51
Martxoaren 8ko irudia, Gasteizen. / Argazkia: Hala Bedi

092 telefono-zenbakian dei batzuk jaso zituzten astelehen goizaldean, Arriaga-Lakua auzoko etxebizitza batean bikote baten arteko eztabaida gogorra zegoela-eta, Eusko Jaurlaritzako Segurtasun Sailak jakinarazi duenez.

Etxebizitzara gerturatu ziren poliziek beheko solairuan emakume bat aurkitu zuten izterrean zaurituta. Biktimak ertzainei adierazi zienez, bere bikotekideak emandako labankada batek eragin zion zauria. Emakumeari astelehen goizaldean eman diote alta.

Gasteizko Udalak adierazpen instituzional bat onartu du, erasoa gaitzetsi eta biktimari babesa emateko. Jakinarazi dute haren esku jarri dituztela baliabide psikologikoak, juridikoak, sanitarioak, babesekoak eta harrerakoak.

Gasteizko Udalak elkarretaratzea deitu du asteartean hilak 12, 10:00etan Espainia Plazan, Eraso matxisten aurka lelopean.

Beste eraso bat

34 urteko gizon bat atxilotu dute Gasteizko autobus-geltokian bikotekideari eraso egitea egotzita. Naiz-ek adierazi duenez,igande goizaldean gertatu zen, 04:15ak aldera. Udaltzaingoak abisu bat jaso zuen erasoa gertatu zela ohartarazteko, eta patruila bat bertaratu zen. Emakumea banku batean eserita aurkitu zuten, bere gauzak lurrean sakabanatuta zeudela.

Emakumeak ez zuen gertatutakoaren xehetasunik eman nahi izan, baina lekuko batek adierazi zuen bideozaintzako kameren bidez ikusi zuela erasoa. Agenteek geltokiko inguruetan aurkitu zuten ustezko erasotzailea, eta atxilotu eraman.

 

 


Kanal honetatik interesatuko zaizu: Indarkeria matxista
Irakasle baten sexu abusuak salatu dituzte Getxoko eskola bateko lau familiak

Adingabeetako bati ospitalean sexu eraso zantzuak aurkitu ostean heldu dira salaketak. Segurtasun Sailak jakinarazi du ikerketa abiatu duela eta lau salaketa jarri direla. Getxoko Europa ikastetxeak adierazi du irakaslea “zentrotik apartatu” duela eta... [+]


“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.


Onintza Enbeita: "Erasotzailea inpunitate osoz mugitzen den bitartean, biktima beldur da kalera bakarrik ateratzeko"

Mario Lopezek lau herritarri jarritako salaketa artxibatu egin du epaileak. Sare sozialak eta kaleak protestaz bete ziren, saskibaloi jokalari batek salatu zuenean Lointek Gernikako kirol entrenatzaile Mario Lopezek sexu gehiegikeriak egin zizkiola. Bueltan, Lopezek lau... [+]


Cristina Rivera Garza. Hildakoekin idaztea
"Zerbait gertatzen da munduan kolektiboki esaten dugunean norbait falta zaigula"

Bilbora etorri zen apirilean, idazketa sendatzaileei buruzko hitzaldi bat ematera, EHUko Ikerketa Ereduak eta Arloak Gizarte Zientzietan masterrak gonbidatuta. Bazuen zer esanik: soziologia eta historia ikasitakoa, artxiboa baliatzen du idazteko, eta bere ahizparen bizitza eta... [+]


2024-05-21 | ARGIA
Nafarroan epaitu gabe gelditu den bortxaketa bikoitza aztertuko du Estrasburgok

2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]


Eguneraketa berriak daude