“Gariaren matxinada” oinarri hartuta, herri-antzerkia egingo dute Azpeitian larunbatean
1766. urtean, jauntxoek gariaren prezioa igo zutelako, herri matxinada antolatu zen Azkoitian eta Azpeitian. Gertakari horretan oinarritutako Matxinada antzezlana estreinatuko dute larunbatean Azpeitiko Soreasu antzokian. Imanol Elias zenak idatzi zuen testuan oinarrituta, lehen aldiz taularatuko dute.
aurre egingo dieten hedabide independenteak
Azpeitiko XXXVI. Antzerki Topaketak irekiko ditu Matxinada-k. Imanol Elias idazle eta antzerkigile azpeitiarrak idatzitako gidoitik abiatuta, herri-antzerki musikala prestatu dute Gipuzkoako herri horretako bizilagunek. Azpeitiko Kultur Mahaiak gidatu du ekimena.
2013an hil zen Elias, ikuskizuna oholtzan ikusi ez izanaren pena berarekin eramanda. Bost urte geroago testu hura gorpuztuko dute ordea. Jende asko inplikatu da horretarako, 100 lagun inguru: Olatz Prat, Felipe Murillo, Itziar Oiartzabal, Luis Mari Galdos, Jon Gurrutxaga, Ignacio Arakistain, Jaime Amenabar, Josetxo Brey, Jokin Uranga, Beñat Lizaso, Haritz Etxeberria, Iban Amenabar, Iñaki Odriozola, Gaizka Larrañaga eta Iñigo Antsorregi ariko dira antzezle gisa; horiez gain, Azketa ahots taldeak, Julian Barrenetxea abesbatzak, Udal Musika Bandak, Izarraitz txistulari taldeak eta Itsasi dantza taldeak ere parte hartuko dute emanaldian.
Antzezlanak badu aurrekari bat, Iñigo Aranbarrik 2014an argitaratutako Apirila nobela. Gainera, “gariaren matxinada”-ren 250. urteurrenean, 2016an, Azpeitiko Udalak eta Kultur Mahaiak hainbat ekimen antolatu zuten gertakariak gogorarazteko eta herriko historia ezagutarazteko asmoz.
Orduan ere asmoa izan zuten Matxinada ikuskizuna taularatzeko. Prentsari bidalitako ohar batean Azpeitiko Kultur Mahaiak esplikatu duenez, “abiatu bai, abiatu genuen. Unai Frantzesena doinuak prestatzen hasi zen, Alaitz Olaizola gidoia egokitzen, aktore lanetarako jendea lotzen hasi ginen. Asko luzatu zaigu dena, bi urte alajaina, baina heldu da eguna”.
Urriaren 27an da zita Soreasu antzokian, 22:00etan.
["Gariaren matxinada" testuinguru historikoan kokatzen du Urko Apaolazaren Matxinada: XVIII. mendeko suminduak erreportajeak]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]
Heriotzak Eduardo du izena
- Egilea: Formol konpainia (eta Ander Lipusen manifestua)
- Non: Modelo Aretoan, Zarautzen, Literaturia jaialdia
- Noiz: Maiatzaren 23an.
-------------------------------------------------------------
Bunker batean garatzen da antzezlana... [+]
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]