GALen biktimen senideek ez dute kalte-ordainik merezi ANren ustez

  • ETArekin lotura zutela argudiatuta, Espainiako Auzitegi Nazionalak ukatu egin die GALeko hainbat biktimen senideei kalte-ordainak jasotzeko aukera.


2015eko uztailaren 15an - 03:15

GALen hogei biktimen senideek jarritako helegitea atzera bota du Auzitegi Nazionalak eta ukatu egin dizkie kalte-ordainak. Espainiako Gobernuak ordainketak eten ondoren jarri zuten helegitea.

Epaiak aintzat hartu ditu indarkeria eta biktimen inguruko Europako hitzarmena eta PPk hori baliatuz egindako lege aldaketa. Biktimak indarkeria erabili duela edo indarkeria delituak egin dituen erakunde baten partaide izan dela egiaztatuz gero, kalte-ordainik ez jasotzea ahalbidetzen du Europako hitzarmenak. Auzitegi Nazionalak dio helegitea jarri duten senideen kasuan, biktimek ETArekin lotura zutela, eta ondorioz ez dagokiela diru-laguntzarik.

Epaiak, Angel Etxaniz Egin egunkariaren sortzaileetako baten senideei baino ez die onartu kalte-ordainak jasotzeko eskubidea. 1980an hil zuen Batallón Vasco Español talde paramilitarrak.


Kanal honetatik interesatuko zaizu: Guda zikina
Bigarren saioan ere ez dute 'Naparra'-ren gorpuzkirik aurkitu Landetan

Jose Miguel Etxeberria, Naparra, aurkitzeko bigarren saioak porrot egin du Landetako Mont de Marsan herriko inguruetan. Iruñean ostiral honetan egindako agerraldian horren berri eman dute Eneko Etxeberria Naparra-ren anaiak eta Iñaki Egaña Egiari Zor... [+]


Jon Anzaren desagerpenetik hamabost urtera, galderek erantzunik gabe jarraitzen dutela salatu dute

Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]


Torturatu eta hil zituztenetik 40 urtera, Zabala eta Lasa ez dituzte oraindik terrorismoaren biktimatzat hartu

Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.


2023-09-26 | Axier Lopez
Xabier Kalparsororen hilketa argitzen laguntzeko egitasmo herritarra aurkeztu dute

Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]


Eguneraketa berriak daude