G7

G7ak kaltetu zituen negozioentzako diru laguntzak bideratzen hasi da Macronen gobernua

  • Gailur aurretik iragarri zituen laguntzak gobernuak, merkatariek negozioak ez ixtea sustatu asmoz. Premiazko prozedura abiatu du Frantziako Gobernuak “ fakturazioari dagozkion zailtasun handi eta denbora batekoak” dituzten negozioentzat.


2019ko irailaren 03an - 09:52
Biarritzeko denda baten erakusleihoko azalpen oharra. Argazkia: Berria.

Naiz-ek argitaratu duenez, ostegunean Frantziako Gobernuko ordezkariak Ipar Euskal Herriko hainbat eragilerekin bildu ziren. Horren ondoren, Ekonomia eta Finantza Ministerioko Estatu idazkari Agnes Pannier-Runacher-ek eman ditu ezagutzera diru laguntzak. Bezero faltagatik G7aren gailurrak enpresei ekarri dizkien kalte ekonomikoei erantzun nahi die estatuko administrazioak horrela. Gobernuaren hitzetan, baita kontragailurraren ondorioz izandako diru galerei ere.

Ostegunera arteko epea dute negozioek haien eskaerak aurkezteko. Lehendabiziko diru laguntza hauek “zailtasun handi eta denbora batekoak dauzkaten enpresei” zuzenduak daude. Aurrerago, gainontzeko enpresek eskatu ahal izango dituzte diru laguntzak.

“Zabaldu, zabaldu, zabaldu!”

Udan zehar, Lapurdiko kostaldeko enpresa ugarik gailurra burutu bitartean negozioak ixteko asmoa adierazi zuten. Bereziki Biarritzekoek, baina baita Hendaia, Urruña edo Baionakoek ere. Macronen gobernuak iragarritako militarizazioa eta mugitzeko debekuak zirela eta, bezerorik ez zutela izango aurreikusten zuten. Normaltasuna irudikatu eta kritikak indargabetu nahian, Frantziako Gobernuak eta Lapurdiko hainbat elkartek eta arduradun politikok komertzioak irekitzea sustatu zuten. Galerarik izatekotan diru laguntzak agindu zituen gobernuak irekiak mantentzen ziren negozioentzako. Komertzioen elkarte eta alkate batzuek, dei zuzena egin zieten merkatariei negozioak itxi ez zitzaten. Biarritzeko auzapez Michel Veunac nabarmendu da lan horietan. "Zabaldu, zabaldu, zabaldu!" errepikatu zuen gailurraren aurreko astean Eitb-ren kameren aurrean, herriko merkatariei zuzenduz.

Gailurraren egunetan, merkatarien iragarpenik okerrenak bete ziren. Enpresa askok haien negozioak itxi zituzten, eta urtez urte abuztuan jendez lepo egoten diren hiri, herri, hondartza eta kale asko hutsik edo erdi hutsik egon ziren.


Kanal honetatik interesatuko zaizu: G7
2021-10-27 | Leire Artola Arin
Herrialde pobretuei hitzemandako COVID-19aren txertoen %14 soilik helarazi zaie

Nazioarteko 70 erakundetik gora biltzen dituen People Vaccine’s Alliance koalizioak aurkeztutako txostenak dio herrialde pobretuetako herritarren %1,3k jaso duela txertoaren dosi guztiak. Errudun jo ditu farmazeutikak eta herrialde aberastuenak, txertoak pilatzeagatik.


2020-06-26 | Mikel Eizagirre
Zigor arina ezarri diote G7aren aurkako ekintzaile bat aurpegian zauritu zuen poliziari

90 egunez 15 euroko isuna ordaindu beharko du 2018ko abenduan Miarritzen Lola Villabriga gaztea aurpegian LBD jaurtigailu batekin zauritzeagatik.


Munduko 76 herrialde txiroenei kanpo-zorra urtebetez atzeratzea onartu dute G20ko estatuek

G7ko estatuek munduko 76 herrialde pobreenei kanpo-zorraren ordainketa atzeratzea onartu dute, diru hori koronabirusaren krisian erabili dezaten. Guztira 18.000 milioi euro dira atzeratu direnak. G20ko herrialdeek ere onartu dute atzerapena, eta ordainketa epea gehiago luzatu... [+]


2020-04-15 | ARGIA
Kanpo-zorraren ordainketa urtebetez atzeratuko diete 76 herrialde txiroenei

G7ak adostu du neurria, eta G-20ak berretsi behar du orain. Atzeratutako ordainketen diruarekin pandemiari aurre egiteko neurriak garatzea da asmoa. Atzeratzea baino, zorra barkatzea da hainbat eragilek eskatzen dutena.


Eguneraketa berriak daude