Frantziako Kultura ministerioak bertsolaritza gehitu du bere kultura immaterialen katalogora
Pasa den udaberrian egin zuen eskaera Bertsularien Lagunak elkarteak, eta azken astean jaso du baiezko erantzuna: bertsolaritzak kultura-ondare immaterialaren izendapena lortu du Ipar Euskal Herrian.
Gaur egun Ipar Euskal Herrian, 120 bat saio edo ekimen antolatzen dira urtero, adin guztietako 45 bat bertsulari daude, 70 talde daude hezkuntza arautuan, bai ikastola zein eskola elebidunetan, eta 250 ikaslek izena eman dute bertsu eskoletan.
Elkarteak iaz abiatu zuen egitasmoa. Beñat Iturralde Agirre antropologoaren gidaritzapean eta Thaïs Boukellaren laguntzarekin osatu zen ikerketa lana. Arduradun zientifiko lanetan berriz, Fabien Van Geert Parisko Sorbonne Nouvelle Unibertsitateko antropologoa aritu da. Ondoan izan dituzte ere Euskal kultur erakundeko Terexa Lekunberri antropologoa eta ihauteri eta euskal tradizioetan aditua den Thierry Truffaut ere.
Ainoa Elizondo Bertsolarien lagunak elkarteko langilearekin hitz egin dute Euskal Irratietan:
Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.