Frantziako Estatuko "mozal legea"-ren aurkako manifestarien kontra oldartu da polizia

  • Manifestazio jendetsua egin zuten astearte arratsean Parisen, Macronen gobernuak indarrean jarri nahi duen lege-proiektu berriaren aurka: polizien irudiak zabaltzeagatik kartzela zigorrak eta isun handiak aurreikusten dira lege horretan eta kazetarien artean kezka eragin du, euren lana erabat baldintzatu dezakeelako.


2020ko azaroaren 18an - 13:05
Manifestari bat asteartean Parisen, lege berriaren 24. artikuluak prentsa askatasuna bertan behera uzten duela dioen afixarekin.

Frantziako Gobernuak kazetarien lana oztopatzeko indarrean jarri nahi duen lege berriaren kontrako mobilizazioak egin dituzte Parisen astearte honetan. Frantziako kazetarien sindikatu nagusiak (SNJ) eta gremioko beste hainbatek deitua zuten mobilizazioa, legeari buruzko eztabaida Asanblada Nazionalean hastekoa zen egun berean.

Beste zenbait eragilek ere bat egin zuten deialdiarekin, hala nola Giza Eskubideen Ligak; eta ehunka Jaka Horiren sostengua ere jaso du. Libération egunkariak jaso duenez, “egun historiko” gisa deskribatu du mobilizazioa SNJko idazkari nagusi Emmanuel Poupardek.

Manifestazioaren jo-puntuan, lege-proiektuaren 24. artikulua: poliziaren aurpegiak edo haiek identifikatzea errazten duen beste edozein elementuren zabalkundea debekatu nahi du, imajina horiek zabalduz uniformedunen “osostasun fisiko edo psikikoa” arriskuan jartzen bada. Kazetarien elkarteek salatu dute azken puntu horrek esan nahi duena ez dagoela zehaztuta eta, beraz, prentsako langileengan auto-zentsura eragin dezakeela.

Ez da legearen artikulu eztabaidagarri bakarra gainera: 22. artikuluak, adibidez, eskumenak eman nahi dizkio Gobernuari droneen bidez kaleak masiboki zelatatzeko eta horrek herritarren bizimodu pribatuan norainoko eragina izan dezakeen salatu dute manifestazioan parte hartu dutenetako batzuk,

Istiluak manifestazio amaieran

Manifestazioaren amaieran poliziek ur-kanoiak eta gas negar-eragileak erabili dituzte lege proiektu berriaren kontra bildutakoen aurka. Sare sozialetan zabaldutako irudi batzuek erakusten dute poliziak manifestarien kontra erabili duen bortizkeria. Legea indarrean sartzen baldin bada, behekoa bezalako irudiak zabaltzeagatik kartzela zigorra eta 45.000 eurorainoko isunak jaso ditzakete herritarrek.


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude